U mienskaj drukarni «Medysont» pieravydadzienaja kniha «Słucki zbrojny čyn 1920 h. u dakumentach i ŭspaminach».
U sioletnim vydańni drukujucca novyja dakumenty, znojdzienyja ŭ archivach Varšavy dy novyja ilustracyi.
Pieršaje vydańnie pabačyła śviet u 2001 h. Tady nad knihaj pracavali Uładzimier Lachoŭski, Uładzimier Michniuk i Alaksandra Hieś. Uładzimier Michniuk zaŭčasna pamior dva hady tamu, i ŭ pieravydańni drukujecca vielmi ciopły artykuł kalehaŭ u jahonuju pamiać.
U pradmovie ž da pieravydadzienaj knihi U.Lachoŭski zaznačaje, što dla histaryčnych publikacyjaŭ na temu Słuckaha zbrojnaha čynu charakternaja pieranasyčanaść emacyjnymi acenkami. I publikacyi apošnich hadoŭ nie dadajuć ničoha novaha ŭ asensavańni prablemy. Tym časam nazapašanaja faktalahičnaja baza pa antybalšavickim supracivie na Słuččynie dazvalaje siońnia z abjektyŭnych pazycyjaŭ, biez zališniaj patetyki razhledzieć i dać acenku padziejam.
Nahodaj dla pieravydańnia stali novyja dakumenty, što byli znojdzienyja ŭ varšaŭskich archivach – vajskovym, u archivie Publičnaj biblijateki. Taksama ŭ knizie vykarystanyja atrymanyja ź biełaruskich peryjodykaŭ źviestki, što nia trapili ŭ pieršaje vydańnie.
Dadalisia i novyja ilustracyi. Siarod ich bolš vyrazny i jakasny fatazdymak Siarhieja Busła, jaki emihravaŭ paśla ŭ Prahu. Mastak Viktar Lachar adrestaŭravaŭ vyjavu paŭstanckaj uznaharody, zaćvierdžanaj Najvyšejšaj Radaj, – kryž z vyjavaj Pahoni aŭtarstva Lavona Vitana-Dubiejkaŭskaha. U novym vydańni rasšyfravany daŭni fatazdymak, na jakim adnaho z troch słuckich vajaroŭ daśledčyki doŭhi čas paznačali jak Sokała-Kutyłoŭskaha. «Nasamreč čałaviek u akularach – heta štabs-kapitan Anton Boryk», – ćvierdzić sp.Lachoŭski. I dadaje, što hety mit daloka raspaŭsiudziŭsia i navat uvasobleny ŭ litaratury: «U ramanie Fiedarenki «Ničyje» Sokał-Kutyłoŭski nie paznaje Čajku, bo zabyŭsia na akulary. Ale jon nikoli nia mieŭ prablemaŭ sa zrokam».
Pieravydadzienaja kniha maje šaniec zrabicca rarytetam. Nabyć «Słucki zbrojny čyn 1920 h. u dakumentach i ŭspaminach» možna ŭ «Akademknizie», na vystavie Ŭpravy Partyi BNF, a taksama zamović na sajcie www.knihi.net.
-
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj
-
U Mahilovie adkryli šyldu hubiernataru Dembavieckamu. Datu śmierci jamu napisali na hady raniejšuju za sprobu ŭciačy z Savieckaj Rasii
-
U Zasłaŭi nad ruinami bramy XVI stahodździa pabudujuć navies. Što viadoma pra ŭnikalny abjekt i čamu prapanavany prajekt — biessensoŭny i škodny
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ34
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary