Kantrabandystam Kabarčukam prysudzili pa 20 hadoŭ źniavoleńnia
U Homielskim abłasnym sudzie abviaścili prysud baćku i synu Siarhieju i Paŭłu Kabarčukam, zatrymanym u lutym u Lelčyckim rajonie nibyta padčas pierapraŭki na terytoryju Biełarusi vybuchovych rečyvaŭ, paviedamlaje BiełTA.
Raniej paviedamlałasia, što Siarhiej i Pavieł Kabarčuki byli zatrymanyja ŭ noč na 15 lutaha na ŭkrainska-biełaruskaj miažy padčas admysłovaj apieracyi.
Tady ŭ Lelčyckim rajonie byŭ abjaŭleny režym «kontrterarystyčnaj apieracyi». Paźniej KDB adčytałasia pra zatrymańnie «terarystaŭ», nibyta adpraŭlenych SBU pravodzić terakty ŭ Biełarusi i RF. Prapahandysty tady nazvali imiony troch zatrymanych: ukraincy Siarhiej Kabarčuk, Pavieł Kabarčuk i žychar Bresta Vital Ułasiuk.
Ukraincam Kabarčukam u vyniku inkryminavanyja č. 3 art. 289 KK (akt teraryzmu), č. 4 art. 295 KK (niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ), art. 358-1 KK (ahienturnaja dziejnaść), č. 3 art. 333-1 KK (niezakonnaje pieramiaščeńnie praź miažu atrutnych rečyvaŭ, ahniastrelnaj zbroi, bojeprypasaŭ, vybuchovych rečyvaŭ).
Siarhiej Kabarčuk 1963 hoda naradžeńnia, jon rodam z Kovielskaha rajona Vałynskaj vobłaści. Raniej byŭ supracoŭnikam dziaržaŭnaj pahransłužby Ukrainy, adnak paśla paśla zvalnieńnia razam z synami Bahdanam 1997 hoda naradžeńnia i Paŭłam 1993 hoda naradžeńnia zajmaŭsia kantrabandaj.
Sud nad Kabarčukami prachodziŭ u zakrytym farmacie, siońnia ŭ Homielskim abłasnym sudzie im abviaścili prysud: pa 20 hadoŭ pazbaŭleńnia voli z adbyvańniem u papraŭčaj kałonii va ŭmovach uzmocnienaha režymu, a taksama štrafu ŭ pamiery 700 bazavych vieličyń kožnamu.
Vitala Ułasiuka buduć sudzić asobna i pavodle bolš miakkaha artykuła. 29 kastryčnika sudździa Leninskaha rajona Bresta Dźmitryj Kuroŭski pačnie razhladać kryminalnuju spravu pa č. 3 art. 228 (kantrabanda). Siarod abvinavačanych tam značycca Vital Dźmitryjevič Ułasiuk.
Zatrymanaha ŭ Lelčyckim rajonie «dyviersanta» buduć sudzić pa niečakanym artykule
U Homieli chutka pačnuć sudzić «dyviersantaŭ SBU», jakich zatrymali zimoj
Čamu aficyjnaja viersija zatrymańnia «dyviersantaŭ SBU» vyhladaje niepraŭdziva. Važnyja padrabiaznaści
Na TB pakazali dopyt «dyviersantaŭ» i namiaknuli, što ich metaj była pravakacyja ŭ Rasii
KDB nazvaŭ imiony zatrymanych na miažy z Ukrainaj
Ciapier čytajuć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach12
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary