Novaja infarmacyja prymusić vas zadumacca pierad tym, jak pacałavacca.
Jak piša Daily Mail, evalucyjny psichołah z Uorykskaha ŭniviersiteta Adryjana Łamiejra śćviardžaje, što pieršymi całavacca pačali našy vałasatyja prodki miljony hadoŭ tamu. Na jaho dumku, jany vykarystoŭvali lohki ŭsmoktvajučy ruch vusnami dla vydaleńnia klaščoŭ i vošaj z poŭści adno adnaho.
Pieršapačatkova hety akt nasiŭ hihijeničny charaktar, a praź miljony hadoŭ, sa strataj poŭści, jon pieratvaryŭsia ŭ sposab vyražeńnia prychilnaści, nabyŭšy seksualnyja adcieńni i staŭšy papiarednikam sparvańnia.
U svaim daśledavańni, apublikavanym u časopisie Evolutionary Anthropology, Łamiejra tłumačyć, što akt ačystki cieła z dapamohaj vusnaŭ byŭ nieadjemnaj formaj dohladu za saboj dla vydaleńnia parazitaŭ, admierłaj skury i śmiećcia. Ekśpiert ličyć, što taki sieans pamiž našymi vałasatymi prodkami vykonvaŭsia pa ŭsim ciele, zakančvajučysia kantaktam rot u rot.
Vielmi pastupova, pa miery taho jak našy prodki evalucyjanavali i stanavilisia ŭsio mienš i mienš vałasatymi, hetyja sieansy dohladu stanavilisia karaciejšyja, ale finalnaja stadyja kantaktu zastałasia, pieratvaryŭšysia ŭ toje, što my viedajem jak pacałunak.
«Hihijeničnaje značeńnie takoha dohladu za saboj źmienšyłasia pa miery taho, jak ludzi hublali poŭść. Adnak skaročanyja sieansy, chutčej za ŭsio, zachavali finalnuju stadyju «pacałunku», jaki staŭ apošnim napaminam ab niekali rytualnych pavodzinach, nakiravanych na ŭmacavańnie sacyjalnych i rodnasnych suviaziaŭ siarod prodkaŭ-prymataŭ», — piša Łamiejra.
Navukoviec miarkuje, što takaja forma dohladu za saboj źjaviłasia kala 7 młn hadoŭ tamu, kali našy prodki źleźli z dreŭ na ziamlu.
Kala 2-4 miljonaŭ hadoŭ tamu, kali našy prodki pazbavilisia ŭsioj poŭści, jany kančatkova «stali prymatami, jakija całujucca». Bolš sučasnyja zhadki pra pacałunki sustrakajucca ŭ tekstach Miesapatamii i adnosiacca da pieryjadu kala 2500 hadoŭ da našaj ery.
Navukoviec taksama tłumačyć, što bolšaść sučasnych formaŭ pacałunkaŭ, ad siabroŭskaha ŭ ščaku da relihijnaha błasłavieńnia, uzychodziać da hetych staražytnych praktyk, a eratyčny pacałunak byŭ viadomy staražytnym rymlanam jak savium.
Adnak dakładnaje tłumačeńnie seksualnaha padtekstu ŭ pacałunkach zastajecca nie da kanca zrazumiełym, i, na dumku Łamiejry, hetaja suviaź patrabuje dalejšych daśledavańniaŭ, kab zrazumieć, čamu ŭ ludziej źjaviŭsia paryŭ całavać partnioraŭ mienavita ŭ kantekście ramantyčnych adnosin.
Łamiejra padkreślivaje, što pacałunak — heta «kryštalizavany simvał davieru i blizkaści», unikalny dla čałavieka sposab vykazvańnia prychilnaści, jaki zachoŭvaje ślady staražytnaha rytuału.
Sprava ab pacałunku. FIFA choča adchilić Rubialesa ad futboła na 15 hadoŭ
Navukoŭcy vyjavili, u jaki bok nachilajuć hałavu pry pacałunku bolšaść ludziej
Całavacca nie pryniata ŭ bolšaj častcy čałaviečych kultur
Kali i dzie byŭ pieršy pacałunak? Navukoŭcy vyśvietlili, ź jakoha času ludzi navučylisia całavacca ŭ vusny
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
Tak što heta nie vyznačany fakt, a adzin z mahčymych varyjantaŭ.
Uvohule evalucyjnaja psichałohija na miažy psieŭdanavuki, bo vyrablaje praŭdapadobnyja tłumačeńni, jakija pa bolšaści niemahčyma vieryfikavać (pravieryć).