Spartyŭny kamientatar na Alimpijadzie trapiŭ u skandał z-za vykazvańnia pra fihurystku
«Spadary, na žal, jana ŭžo zamužam».
Spartyŭnaha kamientatara z Hiermanii abvinavacili ŭ seksiźmie. Fihurystka Anastasija Hubanava, jakaja pradstaŭlaje na Alimpijadzie-2026 Hruziju, atrymała za karotkuju prahramu rekordnyja dla siabie 71,77 bała. Adnak spartyŭny kamientatar ARD Daniel Vajs pierš za ŭsio adznačyŭ nie jaje dasiahnieńnie. «Spadary, na žal, jana ŭžo zamužam», — skazaŭ jon padčas pramoha efiru, piša DW.
U sacsietkach na Vajsa tut ža abrynułasia krytyka — u tym liku i ad papularnych błohieraŭ. «Kali vy spartyŭnyja kamientatary, to kamientujcie sport», — zajaviła na svajoj staroncy ŭ Instagram pradprymalnica Kardelija Reders-Arnold. Na jaje dumku, Vajs pieratvaryŭ Hubanavu z subjekta ŭ abjekt. «Što ja baču? Spartsmienku, vysoki rezultat, honar, siłu, lohkaść. Što bačyć kamientatar? Idealnuju žonku».
Post Kardelii nabraŭ 200 tysiač łajkaŭ.
Paźniej Daniel Vajs paprasiŭ prabačeńnia i adznačyŭ, što akreśliŭ spartyŭnyja dasiahnieńni Hubanavaj, adnak jamu było važna «kamientavać nie tolki sam sport». «Moj styl — pakazvać i čałavieka», — dadaŭ jon.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary