U Łatvii biełaruscy admovili ŭ prytułku, ale sud vynies inšaje rašeńnie
Administracyjny rajonny sud u kastryčniku pastanaviŭ nadać status uciekača ŭ Łatvii biełaruscy, nasupierak rašeńniu Upraŭleńnia pa spravach hramadzianstva i mihracyi (PMLP), piša Tvnet.lv.
U minułym hodzie hramadzianka Biełarusi źviarnułasia ŭ Dziaržaŭnuju pamiežnuju achovu z prośbaj ab pradastaŭleńni statusu ŭciekača abo alternatyŭnaha statusu.
U svajoj zajavie, ankiecie i padčas intervju jana adznačyła, što prosić prytułku, bo nie moža viarnucca ŭ Biełaruś z-za pieraśledu jaje i jaje muža za ich palityčnyja pohlady. Zajaŭnica i jaje muž udzielničali ŭ mitynhach i akcyjach pratestu suprać Łukašenki.
Niahledziačy na toje, što jaje muža pakarali, jamu ŭdałosia pakinuć Biełaruś. U domie byŭ praviedzieny pieratrus, jaje dapytvali. Paźniej muž dapamoh joj pakinuć Biełaruś, bo zastavacca tam było niebiaśpiečna.
PMLP admoviła žančynie ŭ pradastaŭleńni statusu ŭciekača. Adnym z arhumientaŭ, vykazanych PMLP, było toje, što dziejańni, zroblenyja ŭ dačynieńni da žančyny biełaruskimi ŭładami, nie źjaŭlajucca pieraśledam u kantekście zakona ab prytułku.
Nie pahadziŭšysia z rašeńniem upraŭleńnia, žančyna źviarnułasia ŭ sud.
Vyvučyŭšy infarmacyju, sud ustanaviŭ, naprykład, što žančynu dvojčy padviarhali pieratrusam, kali jana jašče znachodziłasia ŭ Biełarusi, a taksama niekalki razoŭ dapytvali ŭ suviazi z kryminalnaj spravaj suprać jaje muža.
Sud pryjšoŭ da vysnovy, što jość padstavy mierkavać, što biełaruskija ŭłady mohuć ličyć zajaŭnicu siabram palityčnych apazicyjnych arhanizacyj, jakija dziejničajuć za miažoj, i tamu pryniać u dačynieńni da jaje niesuraźmiernyja miery.
Takim čynam, sud ličyć, što ŭ dadzienym vypadku zajaŭnica, chutčej za ŭsio, budzie pieraśledavacca pa palityčnych matyvach u vypadku jaje viartańnia ŭ Biełaruś, i tamu jaje apasieńni nakont pieraśledu z boku ŭładaŭ varta ličyć abhruntavanymi.
U śviatle vyšejskazanaha sud abaviazaŭ PMLP pryniać rašeńnie ab pradastaŭleńni statusu ŭciekača ŭ Łatvii na praciahu adnaho miesiaca z dnia ŭstupleńnia rašeńnia ŭ siłu.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT3
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary