Da 10 šachiedaŭ za noč zachodzili ŭ Biełaruś, adzin stračany, avijacyja nie ŭźnimałasia
U noč na 26 kastryčnika ŭ Biełaruś z Ukrainy zalacieli nie mienš za 7 rasijskich dronaŭ-kamikadze typu «šachied». Drony prachodzili praz «kalidor» Słavucič — Prypiać, zalatali ŭ kirunku Brahina, a taksama Pinska/Stolina na paŭdniovym zachadzie krainy, paviedamlaje Biełaruski Hajun.
Pieršy zachod adbyŭsia ŭ 02:51 pa «tranzitnym kalidory» sa Słavuciča ŭ bok Čarnobyla, dalej — u 04:34, 04:43, 05:19, 06:02 i 06:05.
Akramia hetaha, było jašče 3 «šachiedy», jakija ruchalisia ŭ kirunku Biełarusi, ale ich zachod dakładna nie paćvierdžany — heta prachody ŭ 03:20, 06:37 i ŭ 09:38 ranicy.
Pavietranyja siły Uzbrojenych sił Ukrainy taksama paviedamili, što adzin z BPŁA paśla zachodu ŭ Biełaruś bolš nie viarnuŭsia ŭ Ukrainu, heta značyć, byŭ stračany na terytoryi Biełarusi.
Na praciahu nočy i ranicy dziažurnaja avijacyja VPS Biełarusi nie ŭźnimałasia.
-
«Mnie kazali: ty z hłuzdu źjechaŭ, jaki pašpart, tut Kijeŭ mohuć uziać!» Biełarus raskazaŭ, jak zhubiŭ va Ukrainie dakumienty i try hady nie moh ź jaje vyjechać
-
U Dobrušy čałaviek dabiŭsia kampiensacyi ad haspadara aŭčarki, pa vinie jakoj jon straciŭ voka
-
Pry adstupleńni z Chiersona rasijanie vyvieźli karciny niekalkich mastakoŭ, źviazanych ź Biełaruśsiu
Kamientary