U Ofisie prezidenta Ukrainy nazvali ŭmovy dla pačatku pieramovaŭ z Rasijaj
Kiraŭnik Ofisa Zialenskaha Andrej Jarmak daŭ intervju italjanskamu vydańniu Corriere Della Sera, u jakim parazvažaŭ pra zajavy Pucina nakont zakančeńnia vajny va Ukrainie, a taksama vysunuŭ svaje ŭmovy dla pačatku mirnych pieramovaŭ.
Jarmak zajaviŭ, što dla pačatku pieramovaŭ z Rasijaj jaje vojski pavinny adyści na pazicyi pa stanie da 24 lutaha 2022 hoda.
«Zialenski nikoli nie kazaŭ pra terytaryjalny kampramis, a tolki pra nieabchodnaść pryniać mižnarodna pryznanyja miežy. Adnak heta praŭda, što jon byŭ hatovy vieści pieramovy [u 2022 hodzie], zychodziačy ź situacyi napiaredadni rasijskaha ŭvarvańnia. Dla nas Krym i Danbas zastajucca ukrainskimi, heta nie padlahaje abmierkavańniu. My suprać zamarožvańnia vajny, my chočam jaje zaviaršeńnia», — skazaŭ ukrainski čynoŭnik.
Pa słovach Jermaka, kab pačać pieramovy, treba viarnucca da situacyi, jakaja była da pieršaha strełu rasijskaj zbroi 24 lutaha 2022 hoda. Tady Ukraina budzie dumać, jak adnavić suverenitet da miežaŭ 1991 hoda.
Što tyčycca zajaŭ Pucina pra nieabchodnaść uličvać fakt zachopu ŭkrainskich terytoryj rasijanami, to Jarmak skazaŭ, što jamu abyjakavyja słovy ahresara i što Ukraina nie moža budavać mirnuju prapanovu pad upłyvam tych, chto chacieŭ vajny.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES28
Kamientary
chotitie kak v Ukrainie, nievierojatnyje? ścienarij-to počti odin