Kiraŭnik Čačni takim čynam adreahavaŭ na ataku pa ŭniviersitecie śpiecnaza ŭ Hudermiesie.
Kiraŭnik Čačni Ramzan Kadyraŭ paabiacaŭ adpłatu ŭkrainskim vojskam za ataku bieśpiłotnikaŭ pa ŭniviersitecie śpiecnaza ŭ Hudermiesie. Kadyraŭ zajaviŭ, što zahadaŭ svaim padraździaleńniam nie brać u pałon sałdat USU, paviedamlajuć rasijskija ŚMI.
«Jany nas ukusili, my ich źniščym. Pakažam u najbližejšaj budučyni takuju adpłatu, što navat im nie śniłasia. My z nami žartavać nie dazvolim.
Ja siońnia daŭ usim kamandziram, jakija znachodziacca na pieradavoj: nie brać u pałon, źniščać i ŭzmacnić baraćbu na 100 adsotkaŭ. Kab razumieli, jak čačency jašče mohuć dapoŭnić svaje vajskovyja mahčymaści», — zajaviŭ Kadyraŭ.
Univiersitet śpiecnaza imia Uładzimira Pucina ŭ Hudermiesie byŭ atakavany siońnia ranicaj. Heta pieršaja viadomaja ataka pa terytoryi Čačni z pačatku poŭnamaštabnaj vajny. Kurataram univiersiteta źjaŭlajecca 16-hadovy syn Kadyrava Adam.
Kamientary