Łukašenka prapanuje adpravić eks-dyrektara «Biełaruśkalija» pasłom u krainu SND, bo jon viedaje ruskuju movu
Na naradzie z novym kiraŭnikom pradpryjemstva Łukašenka padniaŭ pytańnie pra los Ivana Hałavataha.
Hałavaty kiravaŭ «Biełaruśkalijem» dziesiać hadoŭ — z 2014 hoda. Ciapier ža Łukašenka prapanuje adpravić jaho na dypłamatyčnuju pracu. Takuju prapanovu jon arhumientavaŭ tym, što Hałavaty daśviedčany kiraŭnik, jaki viedaje ruskuju movu, piša BiełTA.
«Voś tolki što my pryznačyli novaha kiraŭnika «Biełaruśkalija». Ivan Hałavaty vyzvaliŭsia. Daśviedčany, tałkovy kiraŭnik. Ich treba vykarystoŭvać na źniešnim treku ŭ ramkach SND. Jany ŭsie viedajuć ruskuju movu i ŭ miescach znachodžańnia taksama viedajuć ruskuju movu», — zajaviŭ Łukašenka.
Jon dadaŭ, što na dalokuju duhu treba adpraŭlać «jazykavych ludziej».
«Tam, dzie dalokaja duha i inšaje, ludzi pavinny być moŭnyja. Prynamsi, choć by anhlijskuju movu pavinny viedać. Ale heta nie značyć, što «viedaju anhlijskuju movu — heta roŭnaja daroha». Nie, jon pavinien być prafiesijanałam, pavinien być addany svajmu narodu i dziaržavie čałaviek», — rastłumačyŭ svaju dumku Łukašenka.
Siońnia jon źniaŭ Hałavataha z pasady hiendyrektara «Biełaruśkalija». Na hetuju pasadu pryznačany eks-kiraŭnik «Biełnaftachima» Andrej Rybakoŭ.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary