Seks-skandał u Ekvataryjalnaj Hviniei. Kiraŭnik miascovaha DFR pieraspaŭ sa svajačkami amal usich top-čynoŭnikaŭ i zapisvaŭ heta na videa
Adnoj z žančyn na źlitych videa akazałasia rodnaja siastra niaźmiennaha prezidenta krainy Teadora Abijanha Nhiema Mbasoha — rekardsmiena pa ŭtrymańni ŭłady ŭ sučasnym śviecie.
Hienieralny dyrektar Nacyjanalnaha ahienctva finansavych rasśledavańniaŭ Ekvataryjalnaj Hviniei Baltasar Ebanh Enhonha staŭ fihurantam hučnaha seks-skandału. U ramkach antykarupcyjnaha rasśledavańnia pravieryli jaho kampjutar i vyjavili bolš za 400 zapisaŭ, jak Enhonha zajmajecca seksam sa svajačkami miascovych čynoŭnikaŭ, pradstaŭnikoŭ biznes-elit i dziaržsłužboŭcaŭ usich uzroŭniaŭ, piša nihieryjskaja hazieta The Punch.
Hazieta adznačaje, što 54-hadovy Baltasar Ebanh, jaki maje žonku i šaściarych dziaciej, zapisvaŭ svaje seks-videa ŭ roznych łakacyjach: ad hatelaŭ da asabistaha kabinieta ŭ Ministerstvie finansaŭ. Zdymka viałasia nibyta sa zhody ŭsich seks-spadarožnic čynoŭnika.
Hetymi spadarožnicami, pavodle prakuratury i ŚMI, siarod inšych stali: stryječnaja siastra Ebanha, žonka jahonaha małodšaha brata, dačka kiraŭnika MUS, žonka hienieralnaha prakurora, žonki kala 20 roznych ministraŭ krainy i navat rodnaja siastra prezidenta Ekvataryjalnaj Hviniei Teadora Abijanha Nhiema Mbasoha — dyktatara i siabra Łukašenki, jaki zajmaje pieršaje miesca ŭ śviecie pa ŭtrymańni ŭłady ŭ sučasnym śviecie (pa zaprašeńni Łukašenki Mbasoha ŭ minułym hodzie naviedvaŭ Biełaruś).
Na hety momant 82-hadovy Teadora Abijanh Nhiema Mbasoha kiruje Ekvataryjalnaj Hviniejaj užo 45 hadoŭ, i heta rekord siarod sučasnych lidaraŭ krain śvietu, jakija nie źjaŭlajucca, prynamsi farmalna, spadčynnymi manarchami.
Častka znojdzienych śledčymi parnarolikaŭ z udziełam Baltasara Ebanha dniami była aficyjna abnarodavanaja prakuraturaj, što ŭzarvała miascovuju miedyjaprastoru. Videa razyšlisia pa sacsietkach. U vyniku ŭłady Ekvataryjalnaj Hviniei paškadavali pra svajo rašeńnie raskryć videamateryjały pa spravie.
Vice-prezident krainy Teadora Abijanh Nhiema Manhie (syn prezidenta Mbasoha) niadaŭna napisaŭ u svaim aficyjnym akaŭncie ŭ tvitary (X), što patrabuje nieadkładna spynić raspaŭsiud «parnahrafičnych videarolikaŭ, jakija zapoŭnili sacsietki krainy».
Akramia taho, Manhie zajaviŭ, što z hetaha času ŭsie čynoŭniki, jakija mieli seksualnyja adnosiny ŭ kabinietach ministerstvaŭ krainy, straciać svaje pasady.
El Ministerio de Transportes y Nuevas Tecnologías, las empresas de telefonía, Gitge y Ortel tienen 24 horas para presentarme una propuesta para frenar la difusión de videos de índole pornográfico que desde hace dias están inundando las redes sociales del Guinea Ecuatorial.
Hoy vamos a procéder a la suspensión inmediata de todos los funcionarios que han tenido relaciones sexuales en las oficinas de los ministerios del país. El Gobierno tomará medidas severas ante estos actos, puesto que constituye una violación flagrante del Código de Conducta
Sam Baltasar Ebanh ciapier znachodzicca za kratami, ale hetaja miera strymańnia była nakładzienaja ŭładami tolki z-za karupcyjnych złačynstvaŭ čynoŭnika. Kali budzie dakazana, što ŭsie spadarožnicy Ebanha davali svaju zhodu i na seks ź im, i na zdymku samoha pracesu, to čynoŭnika naŭrad ci pryciahnuć za heta da kryminalnaj adkaznaści, niahledziačy na ŭvieś rezanans, adznačajuć miascovyja miedyja sa spasyłkaj na prakuraturu krainy.
Prezident Zimbabve doŭha nie moh zavieści traktar ad Łukašenki VIDEA
Łukašenka aktyŭna prasoŭvaje Biełaruś na afrykanskim kantyniencie. Ale ci zacikaŭlena Afryka ŭ Biełarusi? Tłumačyć ekanamist
Biełaruska padarožničaje pa samych biednych krainach Afryki i raskazvaje — jak heta, kali ciabie pastajanna razvodziać na hrošy
Ciapier čytajuć
Adzieńnie dziaŭčyny, znojdzienaje ŭ Ślapiancy, padobnaje da vopratki Jany Kastrankovaj — dački dyrektara bujnoha ahrakompleksu2
Kamientary