CVK nazvaŭ asablivaść dekłaracyj ab dachodach kandydataŭ u prezidenty na hetych vybarach
Pretendenty na prezidenckuju pasadu pavinny buduć padać dekłaracyju ab dachodach. Heta adno z patrabavańniaŭ pry padačy dakumientaŭ na rehistracyju kandydatam, ale ŭ hetym hodzie jość niuans, paviedamiŭ kiraŭnik CVK Ihar Karpienka.
Dakumienty, nieabchodnyja dla rehistracyi kandydatam u prezidenty, Centrvybarkam budzie prymać z 7 da 21 śniežnia.
U adpaviednaści z Vybarčym kodeksam, padača dekłaracyi ab dachodach tych, chto zajaviŭ ab svaim udziele ŭ prezidenckaj honcy, źjaŭlajecca abaviazkovym patrabavańniem, jak i nie mienš za 100 tysiač podpisaŭ u padpisnych listach.
Dekłaracyju ab dachodach pretendenty na prezidenckuju pasadu padajuć zaŭsiody, ale hetym razam jość niuans. Karpienka rastłumačyŭ, što pakolki čarhovyja prezidenckija vybary pryznačany na pačatak 2025 hoda, a mienavita na 26 studzienia, dekłaracyi ab dachodach za papiaredni, 2024 hod, jašče nie buduć hatovy, i padatkovyja orhany nie zmohuć ich pravieryć i paćvierdzić dakładnaść infarmacyi ab dachodach.
«Tamu CVK pryniała rašeńnie, što dekłaracyja budzie padavacca za 2023 hod», — skazaŭ Karpienka.
CVK zaviaršyła rehistracyju inicyjatyŭnych hrup pa vyłučeńni ŭ kandydaty na pasadu prezidenta – ich siem, uklučajučy inicyjatyŭnuju hrupu Alaksandra Łukašenku. Šaściora ź ich — spojlery, padkantrolnyja Łukašenku.
Prezidenckija vybary ŭ Biełarusi projduć 26 studzienia 2025 hoda.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia17
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary