Polšča ciaham najbližejšych troch dzion ustanović na miažy ź Biełaruśsiu ŭmacavańni
Polšča ciaham najbližejšych troch dzion ustanović na miažy ź Biełaruśsiu i Rasijaj umacavańni, u tym liku bietonnyja vožyki, u ramkach «Uschodniaha ščyta». Pra heta paviedamiŭ u efiry Radiozet ministr abarony Uładzisłaŭ Kasiniak-Kamyš.
«U bližejšyja dni — pierad Dniom niezaležnaści (11 listapada) — na našaj uschodniaj miažy (z RF i Biełaruśsiu) buduć uźviedzieny pieršyja ŭmacavańni ŭ ramkach «Uschodniaha ščyta», — skazaŭ jon.
U adkaz na pytańnie ab tym, što mienavita budzie ŭklučać hety praces, ministr nazvaŭ umacavańni, jakija abciažarvajuć mabilnaść vojskaŭ imaviernaha praciŭnika, žalezabietonnyja vožyki i padrychtoŭku miascovaści.
Kamientary