U Strasburhu ministr zamiežnych spraŭ Litvy Habryelus Łandśbierhis ad imia ŭrada padpisaŭ pahadnieńnie ab supracoŭnictvie z Radaj Jeŭropy (RIE) šlacham stvareńnia ŭ Vilni infarmacyjnaha centra RIE dla naroda Biełarusi.
Pra heta piša Delfi.
«Spadziajusia, što hety centr adyhraje klučavuju rolu ŭ raspaŭsiudzie infarmacyi i ŭmacavańni patencyjału ŭ halinie pravoŭ čałavieka, demakratyi i viaršenstva zakona, kab, kali pryjdzie čas, narod Biełarusi stvaryŭ demakratyčnuju i kvitniejučuju budučyniu dla svajoj krainy», — skazaŭ Łandśbierhis.
Jak paviedamlaje Ministerstva zamiežnych spraŭ, pahadnieńnie padpisana z ulikam damoŭlenaściaŭ, dasiahnutych kantaktnaj hrupaj RIE pa supracoŭnictvie z pradstaŭnikami demakratyčnych sił i hramadzianskaj supolnaściu Biełarusi. Litva, jakaja zajmaje pasadu staršyni Kamiteta ministraŭ RIE, uniesła dobraachvotny ŭkład u stvareńnie centra.
MZS padkreślivaje, što padtrymka hramadzianskaj supolnaści, pravaabaroncaŭ i niezaležnych ŚMI Biełarusi i inšych krain, pryhniečanych aŭtarytarnymi režymami, jość doŭhaterminovym pryjarytetam źniešniaj palityki Litvy.
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj12
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
U Litvie vielmi šmat niejkich biełaruskich centraŭ, štaboŭ i arhanizacyj, jakija nieviadoma čym zajmajucca i navat nie adkazvajuć biełarusam na zapyty, na žal.