Vajna33

Što źmienić dazvoł bić rakietami ATACMS uhłyb terytoryi Rasii?

Mnohija vajennyja ahladalniki ličać, što dazvoł na rakietnyja ŭdary pa terytoryi Rasii pierałomu padčas vajny nie pryniasie, choć moža dapamahčy Ukrainie trymać abaronu.

Rakieta ATACMS. Fota: Ministerstva abarony ZŠA.

Prezident ZŠA Džo Bajden pad samy kaniec svajho terminu zrabiŭ toje, pra što jaho ŭžo šmat miesiacaŭ prasiŭ Kijeŭ: źniaŭ zabaronu na ŭdary balistyčnymi taktyčnymi rakietami ATACMS pa terytoryi Rasii. Pra nastupstvy hetaha rašeńnia piša Bi-bi-si.

Ananimnyja surazmoŭcy haziet skazali, što Bajden pryniaŭ hetaje rašeńnie ŭ adkaz na adpraŭku paŭnočnakarejskich vajskoŭcaŭ na dapamohu Rasii ŭ Kurskuju vobłaść.

«Adzin čynoŭnik skazaŭ, što hety krok zbolšaha nakiravany na toje, kab utrymać Pchieńjan ad adpraŭki novych čaściej. Lidar Paŭnočnaj Karei Kim Čen Yn pavinien zrazumieć, što adpraŭka pieršych čaściej była pamyłkaj, jakaja doraha abydziecca, skazaŭ hety čynoŭnik», — piša Washington Post.

ATACMS (Army Tactical Missile System) — heta taktyčnyja balistyčnyja rakiety, jakija zapuskajucca, u pryvatnaści, z ustanovak HIMARS. Roznyja ich madyfikacyi majuć roznuju dalokaść, maksimalnaja — kala 305 km.

Dahetul Vašynhton tłumačyŭ niežadańnie davać dazvoł na ŭdary svaimi rakietami pa terytoryi Rasii tym, što aścierahajecca eskałacyi. Ahladalnik CNN tłumačyć, što Rasija, na dumku ZŠA i inšych krain NATO, mahła b adkazać, naprykład, dyviersijami na ich terytoryi.

Miarkujučy pa tym, što skazali surazmoŭcy amierykanskich haziet, hetyja aściarohi zachoŭvajucca. Pa słovach adnaho ź ich, mienavita tamu nastupstvy prymianieńnia rakiet z dazvołu Bajdena buduć «vielmi kankretnymi i abmiežavanymi».

«Ja nie dumaju, što heta [dazvoł] budzie vyrašalnym», — skazaŭ Bi-bi-si zachodni dypłamat u Kijevie, jaki pažadaŭ zastacca ananimnym.

«Heta simvaličnaje rašeńnie, kab padniać staŭki i prademanstravać vajennuju padtrymku Ukrainie, jakoje daŭno treba było pryniać. Heta moža padvysić košt vajny dla Rasii», — dadaŭ dypłamat.

Vajskovy ekśpiert Fondu Karnehi Majkł Kofman skazaŭ Washington Post, što dazvoł na ŭdary rakietami ATACMS dazvolać ukraincam bolš upeŭniena abaraniać častku Kurskaj vobłaści, jakuju jany zachapili ŭ žniŭni.

Jak pišuć karespandenty Bi-bi-si ŭ ZŠA, Administracyja Džo Bajdena paviedamlaje Ukrainie, što dapamoža joj utrymlivać maleńki kavałak rasijskaj terytoryi, jaki jana ciapier zajmaje, jak mocny kozyr na budučych mahčymych pieramovach.

Prezident Ukrainy Uładzimir Zialenski ŭviečary ŭ niadzielu zajaviŭ: «Siońnia šmat chto ŭ miedyja kaža pra toje, što my atrymali dazvoł na adpaviednyja dziejańni. Ale ŭdary nanosiać nie słovami. Takija rečy nie anansujuć. Rakiety sami za siabie skažuć. Abaviazkova».

Kurt Vołkier, były stały pradstaŭnik ZŠA pry NATA i były śpiecpradstaŭnik pa Ukrainie ŭ pieršaj administracyi Donalda Trampa, skazaŭ Bi-bi-si: «Abmiežavaŭšy dalokaść, na jakuju Ukraina moža ŭžyvać amierykanskaje zbroju, ZŠA adnabakova ŭviali nieabhruntavanyja abmiežavańni na samaabaronu Ukrainy».

Vołkier miarkuje, što pastanova abmiežavać užyvańnie ATACMS była «całkam advolnaj i pryniataj praz strach «spravakavać» Rasiju». «Adnak, heta pamyłka — publična zajavić ab padobnaj źmienie [palityki]. Heta zahadzia paviedamlaje Rasii ab mahčymych budučych udarach Ukrainy», — miarkuje jon.

Maskva naviny pra ATACMS pakul nie kamientavała.

Prezident Rasii Pucin niekatory čas tamu kazaŭ, što ŭdary rakietami ŭhłyb terytoryi Rasii buduć aznačać, što NATO naŭprost udzielničaje ŭ vajnie.

Pa łohicy Pucina, hety pramy ŭdzieł budzie vyjaŭlacca ŭ tym, što takija rakiety patrabujuć spadarožnikavaha naviadzieńnia, a ŭłasnych spadarožnikaŭ va Ukrainy niama — rakiety buduć navodzicca na celi ŭ Rasii pry dapamozie spadarožnikaŭ krain NATA.

Mnohija vajennyja ahladalniki ličać, što dazvoł na rakietnyja ŭdary pa terytoryi Rasii pierałomu padčas vajny nie pryniasie, choć moža dapamahčy Ukrainie trymać abaronu.

Ahladalnik CNN miarkuje, što ZŠA prosta nie daduć ukraincam stolki rakiet, kab źmianić chod vajny. Pra heta ž kaža i Evielin Farkas, jakaja pry Baraku Abamie kuryravała stasunki ZŠA z Rasijaj i Ukrainaj u Minabarony krainy.

«Viadoma, hałoŭnaje pytańnie zaklučajecca ŭ tym, kolki ŭ ich budzie rakiet. Jak my čuli, Pientahon užo papiaredziŭ, što ZŠA moža dać Ukrainie nie tak užo i šmat hetych rakiet», — skazała Farkas Bi-bi-si.

Z tym, što ATACMS nie stanuć panacejaj, zhodny i kiraŭnik Ukrainskaha centra biaśpieki i supracoŭnictva Siarhiej Kuzan. «Heta nie źmienić chod vajny, ale, ja dumaju, u bolšaj stupieni ŭraŭnuje našy siły», — skazaŭ jon Bi-bi-si.

Na dumku Kuzana, dazvoł Bajdena dapamoža adbivać vialiki nastup rasijskich i paŭnočnakarejskich vajskoŭcaŭ u zachoplenaj častcy Kurskaj vobłaści, jakoha ŭkrainskija vajskoŭcy čakajuć z dnia na dzień.

Kamientary3

  • Kłoŭny ladź
    18.11.2024
    "Ahladalnik CNN miarkuje, što ZŠA prosta nie daduć ukraincam stolki rakiet, kab źmianić chod vajny. Pra heta ž kaža i Evielin Farkas". Razychodzimsia, ukraincaŭ znoŭ kinuli.
  • Sum
    18.11.2024
    Ŭ ich i niama stolki rakiet, kab niešta źmianić.
    Asnoŭny ŭdarny moc nata - pavietrany.
    A im dzialicca jany nie śpiašajucca.
  • Dingo
    18.11.2024
    [Red. vydalena]

Ciapier čytajuć

Łukašenka nacyjanalizavaŭ «Amkador». Šakucin staŭ prostym biełaruskim piensijanieram1

Łukašenka nacyjanalizavaŭ «Amkador». Šakucin staŭ prostym biełaruskim piensijanieram

Usie naviny →
Usie naviny

«Ich taktyka jość i budzie — chłusić i vinavacić». Va Ukrainie adreahavali na zajavu Pucina adnosna 30-dzionaha pieramirja

Pucin: My zhodnyja z prapanovami spynić bajavyja dziejańni, ale jość niuansy15

Paśla napadak praŭładnych aktyvistaŭ u Minsku zakryli vystavu «Biełaruski biestyjaryj»8

Usie kamiery na darohach pačali łavić aŭto nie tolki za chutkaść25

Ukraina abvinavaciła Signal u sadziejničańni Rasii8

U Minsku milicyja siońnia ačapiła terytoryju vakoł HUMa

«Nafih ja siudy pryjšoŭ?» Łaŭroŭ nie strymaŭ emocyj pierad sustrečaj Pucina i Łukašenki VIDEA10

Łukašenka pryjechaŭ u Kreml ź luksavym remieniem Hermes FOTAFAKT20

Ci mohuć ZŠA vyvieści z ładu ŭzbrajeńni, jakija pastaŭlajucca Jeŭropie?1

bolš čytanych navin
bolš łajkanych navin

Łukašenka nacyjanalizavaŭ «Amkador». Šakucin staŭ prostym biełaruskim piensijanieram1

Łukašenka nacyjanalizavaŭ «Amkador». Šakucin staŭ prostym biełaruskim piensijanieram

Hałoŭnaje
Usie naviny →

Zaŭvaha:

 

 

 

 

Zakryć Paviedamić