Krynica ŭ Pientahonie raskazała pra vyniki ŭkrainskaj ataki ATACMS pa Branskaj vobłaści
Ukraina ŭpieršyniu ŭdaryła pa Rasii amierykanskimi rakietami ATACMS u 1000-y dzień vajny, atakavaŭšy abjekt u Branskaj vobłaści. Pakul dakładnaj infarmacyi nakont ataki niama, ale jość roznyja viersii.
Ahienctva Reuters sa spasyłkaj na nienazvanuju krynicu ŭ Pientahonie piša, što ŭkrainskaja armija ŭnačy vypuściła vosiem rakiet ATACMS, rasijskija vojski pierachapili tolki dźvie. Pavodle jaho słoŭ, metaj udaru byŭ skład bojeprypasaŭ.
Heta prama piarečyć viersii rasijskaha Minabarony ab tym, što pa abjekcie ŭ Branskaj vobłaści było vypuščana šeść rakiet i piać ź ich byli źbityja, jašče adna paškodžanaja.
U Hienštabie USU tolki paviedamili pra ŭdar pa składzie bojeprypasaŭ u Branskaj vobłaści, ale nie ŭdakładnili, jakoj zbrojaj jon byŭ naniesieny.
Prezident Ukrainy Uładzimir Zialenski paćvierdziŭ, što ZŠA dazvolili bić pa Rasii dalnabojnaj zbrojaj.
Pry hetym jon nie staŭ kamientavać udar pa składzie ŭ Branskaj vobłaści.
«Bieź lišnich detalaŭ. U Ukrainy jość dalnabojnyja mahčymaści, jość dalnabojnyja drony ŭłasnaj vytvorčaści, u nas ciapier jość dalnabojny «Niaptun», i nie adzin. Ciapier u nas jość ATACMS. My ŭsio heta budziem vykarystoŭvać», — adznačyŭ Zialenski.
-
Prapahandystka Lebiedzieva pachvaliłasia ekskluzivam z Maryupalskaha teatra, jaki Rasija adbudavała z nula, kab schavać ślady vajennaha złačynstva
-
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści
-
Rasijski dron udaryŭ pa aŭtobusie z šachciorami na Dnieprapiatroŭščynie. Zahinuli 15 čałaviek
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary