Karancin uviedzieny ŭ damach u roznych rajonach stalicy.
Minskaja haradskaja vieterynarnaja stancyja vyjaviła vypadki šalenstva ŭ žyvioł i ŭviała karancin u čatyroch damach u Minsku.
Viestancyja paviedamiła pra heta vieterynarnym klinikam, piša Tochka.by.
Łabaratorna paćvierdžanaje zaražeńnie ŭ katoŭ i adnaho kažana. Žyvioły nie byli pryščeplenyja. Abśledavańnie prachodziła z 6 pa 16 listapada.
Karancin uviali ŭ čatyroch damach Minska:
- u Zavodskim rajonie pa vuł. Plachanava, 1 i Bajkalskaj, 3
- u Savieckim rajonie pa vuł. Leanida Biady, 45
- u Maskoŭskim rajonie pa vuł. Hołubieva, 14.
U vietstancyi Maskoŭskaha rajona paćvierdzili vypadak zaražeńnia na svajoj terytoryi. Tam adznačyli, što žycharam susiednich damoŭ niama pra što niepakoicca. Hałoŭny srodak prafiłaktyki — pryščepka ad šalenstva dla chatniaj žyvioliny.
Pavodle danych Minskaj haradskoj vieterynarnaj stancyi, u stalicy za hety hod było zafiksavana 17 vypadkaŭ šalenstva: 3 — u lisaŭ, 5 — u kažanoŭ, 5 — u chatnich katoŭ, 1 — u sabaki, pa adnym — u dekaratyŭnaha pacuka, vožyka i dzikaj kunicy.
U Žodzinie šalony biazdomny kot pakusaŭ svojskaha sabaku
U Barysavie rabotniki meblevaj fabryki hulalisia z vaviorkaj, a jana akazałasia šalonaj
U pasiołak pad Mahilovam pryjšoŭ janotapadobny sabaka
Za tydzień u Biełarusi bolš za 70 čałaviek mahli zarazicca šalenstvam
Biełaruska padabrała na vulicy vavierčania. Jak vyjaviłasia, darma
Kamientary