Za tydzień u Biełarusi bolš za 70 čałaviek mahli zarazicca šalenstvam
Ministerstva achovy zdaroŭja zafiksavała dva masavyja kantakty ludziej z zaražanymi žyviołami.
Za apošni tydzień u Mahiloŭskaj i Viciebskaj vobłaści bolš za 70 čałaviek kantaktavali z žyviołami, zaražanymi šalenstvam. Ludzi hulali z zaražanymi žyviołami i hładzili ich.
U pieršym vypadku heta byŭ biazdomny sabaka sa ščaniukami, jakich padkormlivali ŭsim pasiołkam, u druhim — ščaniuk chaski, jakoha svoječasova nie pryščapili, paviedamlaje Minzdaroŭja.
Ciapier ludzi, jakija źviarnulisia pa mieddapamohu, atrymlivajuć terapiju suprać šalenstva pa poŭnym kursie (antyrabičny hamahłabulin u kambinacyi z antyrabičnaj vakcynaj).
Ministerstva achovy zdaroŭja paviedamlaje, što z 2012 hoda vypadki zachvorvańnia na šalenstva siarod nasielnictva Biełarusi nie rehistravalisia. Usiaho ŭ pieršym paŭhodździ 2024 hoda było zarehistravana 124 vypadki zachvorvańnia na šalenstva žyvioł, što na 75% vyšej u paraŭnańni z anałahičnym pieryjadam 2023 hoda.
Čaściej za ŭsio šalenstva rehistravałasia siarod lisic i chatnich žyvioł (sabak i katoŭ), u jakich jość haspadary. Lidary pa kolkaści zarehistravanych vypadkaŭ šalenstva žyvioł-Minskaja i Mahiloŭskaja vobłaści.
Ab masavym kantakcie z zaražanaj žyviołaj u dačnym pasiołku Chimik u Mahiloŭskaj vobłaści raspaviali «Biełyja chałaty». Tam pasialiŭsia biazdomny sabaka, jaki karmili ŭsim pasiołkam. Nieŭzabavie ŭ jaje źjavilisia ščaniuki, ź imi aktyŭna hulali dzieci. Adnak niadaŭna sabaka ŭkusiła miascovuju žycharku. Analizy pakazali, što žyvioła chvareje na šalenstva.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj14
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary