Ahlad samalota, što raźbiŭsia ŭ Vilni, budzie zavieršany na praciahu troch dzion
Mižnarodnyja ekśpierty i śledčyja, jakija prybyli ź inšych krain, užo prystupili da pracy.
Ahlad hruzavoha samalota DHL, jaki raźbiŭsia ŭ Vilni, płanujecca zavieršyć na praciahu troch dzion, paśla čaho pačnucca raboty pa jaho vydaleńni ź miesca zdareńnia, piša Delfi.lt.
«My praciahvajem płanavać etapy papiaredniaha rasśledavańnia. Ahlad miesca zdareńnia, vierahodna, budzie zavieršany ŭ bližejšyja dva-try dni. Paśla hetaha pačniecca nastupny etap — vydaleńnie reštkaŭ samalota ź miesca katastrofy. Ciapier my aktyŭna šukajem adpaviedny anhar dla raźmiaščeńnia hetych detalaŭ», — paviedamiŭ na pres-kanfierencyi ŭ aŭtorak hienieralny kamisar palicyi Arunas Paŭłauskas.
U vyniku avaryi zahinuŭ 48-hadovy hramadzianin Ispanii. Jašče troje čalcoŭ ekipaža, u tym liku adzin ispaniec, niemiec i litoviec, atrymali ranieńni. Adzin z paciarpiełych znachodzicca ŭ ciažkim stanie.
Hałoŭny prakuror Departamienta pa rasśledavańni arhanizavanaj złačynnaści i karupcyi Hienieralnaj prakuratury Arturas Urbialis paviedamiŭ, što ŭ paniadziełak było dapytana nie mienš za 19 śviedkaŭ zdareńnia.
Kiraŭnik Nacyjanalnaha centru kiravańnia kryzisnymi situacyjami Viłmantas Vitkaŭskas dadaŭ, što rasśledavańnie pierachodzić u novy etap.
«Na dadzieny momant my pierachodzim ad likvidacyi nastupstvaŭ i ahladu miesca zdareńnia — jak z vykarystańniem dronaŭ, tak i namahańniami supracoŭnikaŭ — da bolš spakojnaha, paśladoŭnaha pracesu vyvučeńnia i supastaŭleńnia sabranych źviestak», — adznačyŭ jon.
Pa jaho słovach, mižnarodnyja ekśpierty i śledčyja, jakija prybyli ź inšych krain, užo prystupili da pracy. «My čakajem, što ich namahańni dazvolać adnavić paśladoŭnaść padziej, jakija pryviali da hetaj avaryi, i atrymać abjektyŭnyja vyniki, zasnavanyja na faktyčnych dadzienych», — zaklučyŭ Vitkaŭskas.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim17
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3636
Kamientary