Taryfy pačnuć dziejničać z 1 lutaha, adnak jany nie raspaŭsiudžvajucca na pryjom stamatołahami.
Minzdaroŭja ŭstanaviła hraničnyja maksimalnyja taryfy na płatnyja miedycynskija pasłuhi pa pryjomach i kansultacyjach daktaroŭ-śpiecyjalistaŭ, piša «Sputnik».
Tak, hraničny maksimalny taryf na pieršasny pryjom doktaram druhoj kvalifikacyjnaj katehoryi ŭstanoŭleny ŭ pamiery 35 rubloŭ, na pryjom doktaram pieršaj katehoryi taryf krychu vyšejšy — 37 rubloŭ, a vyšejšaj katehoryi — 41 rubiel.
Pieršasny pryjom śpiecyjalista, kandydata miedycynskich navuk ciapier nie moža kaštavać daražej 45 rubloŭ, a doktara miedycynskich navuk, a taksama dacenta i kandydata miedycynskich navuk — 47 rubloŭ.
Hraničny maksimalny taryf za pryjom prafiesara i doktara miedycynskich navuk ustanoŭleny ŭ pamiery 52 rubloŭ, člena-karespandenta NAN Biełarusi i doktara miedycynskich navuk — 56 rubloŭ, a akademika NAN Biełarusi i doktara miedycynskich navuk — 57 rubloŭ.
Taksama vyznačany maksimalnyja taryfy i na paŭtorny pryjom hetych daktaroŭ — jany značna nižejšyja.
Što tyčycca taryfaŭ na kansultacyju śpiecyjalistaŭ z kvalifikacyjnaj katehoryjaj, to jany startujuć ad 42 rubloŭ i dachodziać da 49 rubloŭ i zaležać ad katehoryi.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!1
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary
– Pan lekar, ja addaŭ sorak rubloŭ, čakaŭ pryjomu try tydni, i Vy vyhuhlili ŭ Internecie , što mnie treba abśledavańnie, ale ž u nas jaho nie robiać, i adpaviednyja leki, ale ž bližejšaja apteka znachodzicca ŭ Amsterdamie