Тарыфы пачнуць дзейнічаць з 1 лютага, аднак яны не распаўсюджваюцца на прыём стаматолагамі.
Мінздароўя ўстанавіла гранічныя максімальныя тарыфы на платныя медыцынскія паслугі па прыёмах і кансультацыях дактароў-спецыялістаў, піша «Спутнік».
Так, гранічны максімальны тарыф на першасны прыём доктарам другой кваліфікацыйнай катэгорыі ўстаноўлены ў памеры 35 рублёў, на прыём доктарам першай катэгорыі тарыф крыху вышэйшы — 37 рублёў, а вышэйшай катэгорыі — 41 рубель.
Першасны прыём спецыяліста, кандыдата медыцынскіх навук цяпер не можа каштаваць даражэй 45 рублёў, а доктара медыцынскіх навук, а таксама дацэнта і кандыдата медыцынскіх навук — 47 рублёў.
Гранічны максімальны тарыф за прыём прафесара і доктара медыцынскіх навук устаноўлены ў памеры 52 рублёў, члена-карэспандэнта НАН Беларусі і доктара медыцынскіх навук — 56 рублёў, а акадэміка НАН Беларусі і доктара медыцынскіх навук — 57 рублёў.
Таксама вызначаны максімальныя тарыфы і на паўторны прыём гэтых дактароў — яны значна ніжэйшыя.
Што тычыцца тарыфаў на кансультацыю спецыялістаў з кваліфікацыйнай катэгорыяй, то яны стартуюць ад 42 рублёў і даходзяць да 49 рублёў і залежаць ад катэгорыі.
Цяпер чытаюць
«Знік без звестак» вельмі малады беларускі наёмнік5
«Знік без звестак» вельмі малады беларускі наёмнік
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны66
Каментары
– Пан лекар, я аддаў сорак рублёў, чакаў прыёму тры тыдні, і Вы выгуглілі ў Інтэрнэце , што мне трэба абследаванне, але ж у нас яго не робяць, і адпаведныя лекі, але ж бліжэйшая аптэка знаходзіцца ў Амстэрдаме