Manašak Śviata-Jelisaviecinskaha manastyra prahnali z kirmašu ŭ Polščy
Dziakujučy dziejańniam biełaruskich aktyvistaŭ, uvahu na prysutnaść minskich manašak, źviarnuli i polskija miedyja.
Manaški minskaha Śviata-Jelisaviecinskaha manastyra, jaki ŭvieś čas padtrymlivaje rasijskuju ahresiju, pryjechali na kirmaš u polski Ščecin, dzie realizoŭvali svaju i kitajskuju pradukcyju.
Na heta źviarnuli ŭvahu biełarusy Ščecina i zładzili pikiet kala ich pałatki, staŭšy z płakatami — «Kuplajučy tut, ty padtrymlivaješ rasijskuju ahresiju suprać Ukrainy i katavańni ŭ turmach Biełarusi», piša motolkohelp.
Dziakujučy dziejańniam biełaruskich aktyvistaŭ, uvahu na prysutnaść manašak źviarnuli i polskija miedyja. Miascovy partał Szczeciner źviazaŭsia z pres-sakratarom arhanizacyi Żegluga Szczecińska Turystyka Wydarzenia (ŻSTW) Celinaj Vałaš, jakaja paviedamiła, što arhanizatary kirmašu nie viedali pra dziejnaść biełaruskich manašak.
«Kožnaja asoba, jakaja choča paŭdzielničać u kaladnym kirmašy, praviarajecca na pradmiet zakonnaści viadzieńnia biznesu. U nas nie było da hetaha infarmacyi pra toje, što zhadanaja asoba moža padtrymlivać prarasijskuju dziejnaść», — skazała Vałaš.
Tak ci inakš, ale dalejšaja reakcyja ad arhanizataraŭ kirmašu-ŻSTW, paśledavała nieadkładna.
Było pryniata rašeńnie jak maha chutčej skasavać damovu z manaškami Śviata-Jelisaviecinskaha manastyra i spynić dalejšyja prodažy ich pradukcyi na kirmašy.
-
Łatvija časova zakryła adziny punkt propusku na miažy ź Biełaruśsiu
-
Łukašenka choča pabudavać druhuju AES na patreby Rasii i akupavanych ukrainskich terytoryj. Ale jaho čakaje siurpryz
-
Ci možna zabraniravać sabie miesca na mohiłkach pry žyćci, ci možna raźviejać prach i kolki ŭ siarednim kaštuje pachavańnie ŭ Biełarusi?
Ciapier čytajuć
Łukašenka choča pabudavać druhuju AES na patreby Rasii i akupavanych ukrainskich terytoryj. Ale jaho čakaje siurpryz9
Kamientary