Kampanija Google spyniła pracu svajoj novaj funkcyi pošuku «Što rajać ludzi», jakaja vykarystoŭvała štučny intelekt dla taho, kab dzialicca miedycynskimi paradami ad zvyčajnych ludziej z usiaho śvietu. Faktyčna heta była płatforma, dzie karystalniki mahli bačyć dośvied inšych ludziej z padobnymi zachvorvańniami abo stanam zdaroŭja, piša The Guardian.
Funkcyja była pradstaŭlenaja na mabilnych pryładach u ZŠA, a Google aktyŭna rekłamavaŭ jaje jak sposab dapamohi karystalnikam, kab chutka atrymać infarmacyju pra praktyčnyja padychody da zachvorvańniaŭ — naprykład, jak ludzi z artrytam zajmajucca fizkulturaj abo adaptujuć svoj štodzionny režym.
Raniej na prezientacyi ŭ Google raskazvali, što hetaja funkcyja dapamahaje «arhanizavać roznyja mierkavańni ź internet-abmierkavańniaŭ u lohkija dla razumieńnia temy», a taksama daje spasyłki na dadatkovyja krynicy, kab ludzi mahli bolš padrabiazna vyvučyć pytańnie. Tady kampanija padkreślivała, što, akramia tradycyjnaj miedycynskaj infarmacyi ad śpiecyjalistaŭ, karystalnikam važna čuć i pra realny dośvied inšych ludziej.
Adnak paźniej funkcyja była kampanijaj cicha vydalenaja. Google rastłumačyŭ, što heta zrabili ŭ ramkach «aptymizacyi staronki vynikaŭ pošuku», i što rašeńnie nie źviazana ź jakaściu abo biaśpiekaj samaj funkcyi. Pry hetym kampanija pa-raniejšamu padkreślivaje, što praciahvaje dapamahać karystalnikam znachodzić nadziejnuju miedycynskuju infarmacyju, uklučajučy forumy i piersanalny dośvied ludziej.
Vydaleńnie funkcyi «Što rajać ludzi» adbyłosia na fonie ŭzmacnieńnia krytyki ŭ adnosinach da vykarystańnia štučnaha intelektu dla miedycynskaj infarmacyi. Tak, u studzieni žurnalisty The Guardian vyśvietlili, što ŠI-ahlady Google mahli davać niapravilnyja i navat niebiaśpiečnyja rekamiendacyi, jakija bačyli kala 2 miljardaŭ čałaviek u miesiac. Google spačatku, praŭda, śćviardžaŭ, što ŠI-ahlady spasyłajucca na nadziejnyja krynicy i rekamiendujuć źviartacca da ekśpiertaŭ, ale paśla ŭsio ž vydaliŭ takija ahlady pa niekatorych miedycynskich zapytach.
U najbližejšaj budučyni Google, adnak, płanuje praciahvać vykarystoŭvać ŠI dla palapšeńnia dostupu da infarmacyi pra zdaroŭje i źbirajecca pradstavić novyja daśledavańni, technałohii i partniorstvy, jakija, na dumku kampanii, dapamohuć vyrašać važnyja prablemy ŭ hetaj śfiery.
Patencyjny kašmar epochi štučnaha intelektu — bijałahičnaja zbroja. Uvieś śviet dumaje, jak padrychtavacca da jaje vykarystańnia
«Čałaviekam hoda» pa viersii Time stali adrazu vaśmiora «architektaraŭ štučnaha intelektu»
Štučny intelekt budzie dapamahać biełarusam lačyć zuby
ChatGPT pradstaviŭ novuju madel GPT-5. Voś što ŭ joj novaha i što abiacajuć raspracoŭščyki
U Hrodnie pačaŭ pracavać miedycynski ŠI-asistent
Ciapier čytajuć
Kolki biełarusaŭ atrymali polskaje hramadzianstva za apošni čas. Ličby ŭražvajuć41
Kamientary