Skakun biełaruskaj zbornaj sumuje pa Alimpijadzie: Što ni kažy, heta hałoŭnyja spabornictvy ŭ žyćci
Čempijon Biełarusi pa skačkach z šastom Maćviej Vołkaŭ parazvažaŭ, ci zamieniać hulni BRIKS Alimpijadu.
Rasijski skakun z šastom Maćviej Vołkaŭ, jakomu pradrakali status zorki, pierajšoŭ u zbornuju Biełarusi ŭ 2020 hodzie — tady jamu było 16 hadoŭ. U składzie biełaruskaj kamandy jon paśpieŭ vyjhrać moładzievy čempijanat śvietu ŭ 2021-m. A zatym pačałasia poŭnamaštabnaja vajna va Ukrainie, i biełaruskich lohkaatletaŭ razam z rasijanami adchilili ad mižnarodnych startaŭ.
Va ŭmovach izalacyi adnoj z alternatyŭ mižnarodnym spabornictvam stali Spartyŭnyja hulni krain BRIKS. Maćviej zavajavaŭ na ich bronzavy miedal. Ale ŭ efiry BT padzialiŭsia, što hulni BRIKS nie zamieniać Alimpijadu.
«Tamu što ŭvieś sport, usia lohkaja atletyka zaviazany na alimpijskich cykłach. Jak ty tam što ni kažy, va ŭsich hałoŭnyja spabornictvy ŭ žyćci — heta Alimpijada.
Ciapier tendencyi mianiajucca. Ale sistema zastajecca raniejšaj. Nichto sistemu farmatavać čamuści nie choča, choć zrazumieła, što vierahodniej za ŭsio Alimpijady bližejšym časam dla nas nie budzie i druhich mižnarodnych startaŭ taksama».
«Voś my pajechali na hulni BRIKS — naprykład, formy dali, ščyra kažučy, mała. Adny šorty, adnu majku niejkuju. I voś spartyŭny kaścium. I heta ŭsio», — zaŭvažyŭ skakun.
Ban spartoŭcaŭ na mižnarodnych spabornictvach jon nazyvaŭ «adnoj z samych surjoznych sankcyjnych mier».
Rasijski spartsmien, jaki vystupaje za Biełaruś, zajaviŭ, što jamu prapanoŭvali «źbiehčy na Zachad
Na hulniach BRIKS kamientatar zaklikaŭ «rusaŭ» nie znajomicca z «usiakimi šmarami»
Skakun Maksim Niedasiekaŭ pra Alimpijadu: Jak biełarusy pajeduć u Paryž? Dzie buduć žyć? I na pratesty nielha zapluščvać vočy
U Rasii, zdajecca, admovilisia ad praviadzieńnia «anałahu Alimpijady»
Kamientary