Rasijski karabiel abstralaŭ sihnalnymi bojeprypasami niamiecki viertalot u Bałtyjskim mory
Ministarka zamiežnych spraŭ Hiermanii Analena Bierbak zhadała pra incydent u kułuarach sustrečy NATA ŭ Brusieli. Viertalot Bundeśviera vykonvaŭ raźviedvalnuju misiju, a rasijski karabiel abstralaŭ jaho sihnalnymi bojeprypasami, paviedamlaje Bild.
Kali mienavita adbyŭsia incydent i što za karabiel VMF RF byŭ u im zadziejničany, niamieckaja ministarka nie ŭdakładniła.
U jakaści pryčyny incydentu Bierbak nazvała hibrydnyja ataki z boku Rasii i jaje sajuźnikaŭ. Niamiecki vajskovy viertalot pravodziŭ raźviedku nad Bałtyjskim moram na fonie rostu kolkaści dyviersij suprać jeŭrapiejskaj infrastruktury ŭ hetym rajonie.
Ahienctva DPA adznačaje, što vykarystańnie sihnalnych bojeprypasaŭ na mory dapuščalnaje tolki ŭ nadzvyčajnych situacyjach.
Pavodle słoŭ Analeny Bierbak, Hiermanija ŭzmocnić kantrol za trubapravodami i kabielami pieradačy danych u Bałtyjskim mory. Uzmocnicca taksama abarona krytyčnaj infrastruktury z dapamohaj patruloŭ.
Incydent ź viertalotam — čarhovy epizod praciahłaha supraćstajańnia. Tak, u listapadzie byli paškodžanyja dva optavałakonnyja kabieli. Adzin ź ich źviazvaŭ Hiermaniju i Finlandyju, druhi — Šviecyju i Litvu. Šviedskija ŭłady padazrajuć, što ŭ hetym zadziejničana kitajskaje sudna Yi Peng 3, jakoje prachodziła pobač padčas paškodžańnia kabielaŭ.
Zachodnija palityki abvinavačvajuć u žadańni asłabić Jeŭropu z dapamohaj hibrydnych napadaŭ nie tolki Rasiju i Kitaj, ale taksama KNDR i Iran. Hetyja ataki robiacca bieź viadzieńnia adkrytaj vajny, i ich časta ciažka ci niemahčyma prypisać kankretnamu vykanaŭcu.
Paškodžany kabiel pamiž Šviecyjaj i Finlandyjaj
Kabieli ŭ Bałtyjskim mory paškodziŭ kitajski suchahruz, jaki pieravoziŭ rasijskija ŭhnajeńni
Kapitanam kitajskaha sudna, jakoje padazrajuć u paškodžańni kabielaŭ na dnie Bałtyjskaha mora, akazaŭsia hramadzianin Rasii
Kitajskaje sudna adklučyła pieradatčyk danych za niekalki hadzin da abryvu kabiela ŭ Bałtyjskim mory
Ciapier čytajuć
U Sibiry zaharełasia i abrynułasia buravaja vyška «Biełarusnafty»2
U Sibiry zaharełasia i abrynułasia buravaja vyška «Biełarusnafty»
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1111
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu11
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary