Najlepšaha futbalista Biełarusi-2021 razam z žonkaj sudzili za pratesty
Spravu Andreja Sałaŭja i jaho žonki Aksany razhladaŭ sud u Minsku.
Napadajučaha mazyrskaj «Słavii» Andreja Sałaŭja i jahonuju žonku Aksanu sudzili pavodle «narodnaha» artykuła — č. 1 art. 342. Pa joj u Biełarusi pieraśledujuć za ŭdzieł u mirnych mitynhach u 2020 hodzie.
Pavodle źviestak bresckaj «Viasny», spravu razhladała sudździa Natalla Dziadkova 19 listapada. Tribuna.com daviedałasia, što muž i žonka atrymali pa dva hady «chatniaj chimii».
Sałaviej sa žniŭnia, kali adnaviŭsia paśla ciažkoj traŭmy, nie prapuskaŭ matčaŭ u čempijanacie Biełarusi, heta značyć da suda jon nie znachodziŭsia pad vartaj. Akramia taho, jon vychodziŭ na pole i paśla pasiadžeńnia suda: u matčach z «Homielem» 24 listapada i žodzinskim «Tarpieda» 1 śniežnia.
Andrej Sałaviej naradziŭsia ŭ Biarozie, za karjeru jon pahulaŭ u bresckim «Dynama», žodzinskim «Tarpieda», «Słonimie-2017», homielskim «Łakamatyvie». Najlepšy ŭ karjery siezon napadajučy pravioŭ u «Homieli» ŭ 2021 hodzie — tady jon navat byŭ pryznany najlepšym futbalistam Biełarusi. Adnak paśla hetaha Sałaviej pierajšoŭ u salihorski «Šachcior» i karjera jahonaja pajšła na spad. Potym byŭ karotki lehijanierski pieryjad u Kazachstanie i viartańnie ŭ Biełaruś — u mazyrskuju «Słaviju». U siezonie, jaki tolki što skončyŭsia, jon zabiŭ try hały ŭ 15 matčach.
Pra Aksanu Sałaviej viadoma tolki toje, što jana, jak i Andrej, naradziłasia ŭ Biarozie. Para pažaniłasia ŭ 2019 hodzie, da taho času jany byli razam užo piać hadoŭ.
Uładalnik haradzienskaha sajta s13.ru Siarhiej Čaboćka nie vyjšaŭ paśla 45 sutak aryštu
Dziaŭčynu z Baranavičaŭ vinavaciać va ŭdziele ŭ rajonnym čacie. Jak na jaje mahli vyjści siłaviki?
Palitviaźnia Tołčyna, jaki vyjšaŭ pa pamiłavańni, zatrymali pa administracyjnaj spravie
Leśnika sa Śvisłačy sudziać za kamientary ŭ telehramie pa šaści kryminalnych artykułach. Jamu pahražaje da 12 hadoŭ
Načalnik milicyi Brahina stralaŭ u svaju žonku. Jana cudam vyžyła9
Kamientary