Lidar Chryścijanska-demakratyčnaha sajuza Hiermanii (CHDS) Frydrych Mierc, jaki paśla chutkich parłamienckich vybaraŭ moža zaniać pasadu hiermanskaha kanclera, padčas vizitu ŭ Kijeŭ padvierhnuŭ ciapierašniaha kiraŭnika niamieckaha ŭrada Ołafa Šolca krytycy za niežadańnie śledam za ZŠA, Vialikabrytanijaj i Francyjaj pieradać Ukrainie dalnabojnuju zbroju.
«My chočam, kab vaša armija była zdolnaja nanosić udary pa vajskovych bazach u Rasii. Nie pa cyvilnamu nasielnictvu, nie pa infrastruktury, a pa vajskovych abjektach, ź jakich atakujuć vašu krainu», — skazaŭ Mierc prezidentu Ukrainy Uładzimiru Zialenskamu.
Pierad hetym Šolc admoviŭ Zialenskamu ŭ prośbie pieradać Ukrainie niamieckija kryłatyja rakiety «Taŭrus», vykarystańnie jakich, pavodle jahonych słoŭ, pryviadzie da nieprymalnaj ryzyki eskałacyi i moža być interpretavana jak ustupleńnie Hiermanii ŭ vajnu.
«Z takimi abmiežavańniami pa dalokaści my zmušajem vašu krainu vajavać (va ŭmovach), kali adna ruka ŭ jaje źviazanaja za śpinaj», — skazaŭ Mierc.
Na hety momant Hiermanija zajmaje druhoje paśla ZŠA miesca pa abjomie finansavaj i vajskovaj dapamohi Ukrainie i prymaje bolš ukrainskich vajennych biežancaŭ (bolš za miljon), čym lubaja inšaja kraina.
Błok CHDS/CHSS na čale z Frydrycham Miercam maje šaniec zrušyć sacyjał-demakrata Šolca na vybarach, jakija projduć u Hiermanii 23 lutaha. CHDS/CHSS u bolšaści apytańniaŭ maje nad sacyjał-demakratami pieravahu bolš čym u 10 pracentnych punktaŭ.
Zialenski: My z Trampam havaryli pra zamarozku vajny
Kandydat u kanclery Hiermanii ad CHDS Frydrych Mierc prybyŭ u Kijeŭ
Budučym kancleram Hiermanii moža stać multymiljanier. Što heta budzie značyć dla Jeŭropy?
Patencyjny budučy kancler Hiermanii prapanuje pastavić Rasii ŭltymatum
Kancler Hiermanii ličyć svaju palityku ŭ dačynieńni da pastavak zbroi Ukrainie pravilnaj. Ale apazicyja maje inšuju dumku
Vyjšaŭ na svabodu biełarus, jakoha ŭ svoj čas prysudzili da pažyćciovaha źniavoleńnia. Heta pieršy viadomy taki vypadak9
Kamientary