Naryškin zajaviŭ, što Rasija «blizkaja da dasiahnieńnia met SVA va Ukrainie», kab nie adbyłosia «źniasileńnia»
Rasija blizkaja da dasiahnieńnia met śpiecapieracyi (tak u Rasii nazyvajuć vajnu z Ukrainaj — NN), zajaviŭ dyrektar Słužby zamiežnaj raźviedki Rasii (SVR) Siarhiej Naryškin u prapahandysckim intervju rasijskamu časopisu «Raźviedčyk».
«Na froncie situacyja nie na karyść Kijeva», — zajaviŭ Naryškin.
«Stratehičnaja inicyjatyva na ŭsich učastkach naležyć nam, my blizkija da dasiahnieńnia pastaŭlenych met, tady jak USU znachodziacca na miažy razvału», — dadaŭ dyrektar SVR.
Naryškin u tradycyjnych naratyvach rasijskaj prapahandy zajaviŭ, što Zachad choča zavajavać postsavieckuju prastoru.
«Zachad pastaviŭ pierad saboj ambicyjnuju metu razarvać nie tolki ekanamičnyja, palityčnyja, ale i hłybinnyja histaryčnyja i humanitarnyja suviazi pamiž našymi krainami. Taki padychod vyciakaje ź viadomaj maksimy anhłasaksaŭ «Chto kiruje Jeŭrazijaj, toj vałodaje śvietam». Choć «kiravać» dla ich aznačaje «padzialać», «siejać chaos», a potym prapanoŭvać siabie abiaskroŭlenym narodam u jakaści «biesstarońnich harantaŭ biaśpieki». Jak heta adbyvajecca — dobra vidać na ŭkrainskim prykładzie», — zrabiŭ vysnovu dyrektar SVR.
U hetym antyzachodnim intervju Naryškin namiaknuŭ, što Rasija chutka moža pajści na zamireńnie, kab nie adbyłosia «źniasileńnia».
«Stratehičny raźlik Zachadu va ŭkrainskim kryzisie vielmi jasny: naviazać nam zaciažnuju baraćbu na źniasileńnie ŭ metach raskołu rasijskaha hramadstva i stvareńnia ŭmoŭ dla «kalarovaj revalucyi». Vajavać buduć, što nazyvajecca, «da apošniaha ŭkrainca», a kali ich nie zastaniecca, na baraćbu sa «strašnym ruskim miadźviedziem» prymusiać vyjści prybałtaŭ, uschodniejeŭrapiejcaŭ, a ŭ pierśpiektyvie — i niemcaŭ», — nazyvaje budučych vorahaŭ Naryškin.
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski30
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary
Nahłucho,namiertvo otbityje,riealno absolutno čuždaja forma žiźni. On nojet pro kakije-to kulturnyje i duchovnyje śviazi—kakije śviazi s toboj,ork? Ty ž s druhoj płaniety!
Eto,čtob ni u koho nie było illuzij otnositielno niedoriejcha s niedokarfahienom