Najnoŭšy sieryjał pra paŭstańnie 1863—1864 hadoŭ vyjšaŭ pa-biełarusku
Sieryjały pa-biełarusku źjavilisia na adnoj z najbolš papularnych stryminhavych płatformaŭ Polščy TVP VOD. Siarod ich — polski sieryjał pra paŭstańnie 1863—1864 hadoŭ «Dziavajcis», piša belsat.eu. Heta stałasia mahčymym dziakujučy supracy «Biełsata» z TVP.
Sieryjał «Dziavajcis» (2023) składajecca ź siami sieryj i niepasredna źviazany ź Biełaruśsiu.
Jon stvorany pavodle ramana piśmieńnicy Maryi Radzievič, jakaja pachodziła ź vioski Pianiuha (siońnia — Zelvienski rajon). Siamja Radzievič była sasłanaja ŭ Sibir za ŭdzieł u paŭstańni 1863—1864 hadoŭ, a ichni majontak kanfiskavany. Paśla viartańnia na radzimu jany atrymali ŭ spadčynu inšy majontak u Biełarusi — Hrušava na Paleśsi. Tut ros dub Dziavajcis, jaki i daŭ nazvu adnajmiennamu ramanu. Ale Radzievič pieraniesła padziei, jakija adbyvalisia ŭ časie paŭstańnia 1863—1864 hadoŭ u siońniašnim Kobrynskim rajonie i pobač z rečkaju Muchaviec, na terytoryju Žmudzi-Litvy.
Pavodle apisańnia sieryjała, «hałoŭny hieroj tvoru — Marek Čertvan, čałaviek słova i honaru, jaki abiacaje baćku vykanać jahonaje pieradśmiarotnaje žadańnie. I faktyčna pakłaŭ žyćcio dziela słužeńnia honaru. Marek — byccam lehiendarny asiłak — paśpiachova spraŭlajecca z usimi ciažkaściami i pieraškodami, jakija jaho napatkali, a ŭ vyniku sustrakaje kachańnie».
Sieryjał «Dziavajcis» — i pra nas, biełarusaŭ, dy pra toje, što «historyju možna nie lubić, ale jaje nie źmieniš».
Akramia «Dziavajcisa», na płatformie TVP VOD možna pahladzieć i inšyja cikavyja sieryjały pa-biełarusku.
Što pasłuchać pa historyi Biełarusi? Sabrali najlepšyja padkasty
U novym zachodnim błakbastary z zorkaj sieryjała «Chod karalevy» znajšłosia miesca Biełarusi
«Budzie zdymać maštabnyja prajekty z saboj u hałoŭnaj roli». Što dumajuć pra novaha ministra kultury Čarnieckaha jaho kalehi?
Łukašenka: Toje, što adbyvajecca ŭ biełaruskim kiniematohrafie, heta prosta hańba
Ryčard Hir pradstaviŭ novy sieryjał, u jakim svaje 20 siekundaŭ słavy atrymała i Biełaruś
Kamientary