U 2023 hodzie pačałosia vydańnie Zboru tvoraŭ kłasika biełaruskaj litaratury Kuźmy Čornaha (1900—1944) u 12 tamach. Ciapier u vydaviectvie «Biełaruskaja navuka» pabačyŭ śviet druhi tom, prezientacyja jakoha prajšła ŭ vieraśni ŭ Instytucie litaraturaznaŭstva imia Janki Kupały Centra daśledavańniaŭ biełaruskaj kultury, movy i litaratury Akademii navuk Biełarusi.
Knihu składajuć apaviadańni 1926—1931 hadoŭ, siarod jakich — «Na pylnaj darozie», «Probujuć hrušy šumieć», «Chvoi havorać», «Pačućci», «Načleh u vioscy Siniehach», «Vieraśniovyja nočy», «List Jakuba Malkieviča», «Ramontnaja bryhada» i inšyja, paviedamlaje sajt Nacyjanalnaj biblijateki.
Nad hetym 447-staronkavym vydańniem, jakoje vyjšła ŭśled za minułahodnim pieršym tomam, pracavaŭ ceły kalektyŭ śpiecyjalistaŭ: tekstołahi, redaktary, daśledčyki i znaŭcy tvorčaści Kuźmy Čornaha, recenzienty, vydaŭcy, techničnyja supracoŭniki.
Za asnoŭny tekst byli pryniatyja pryžyćciovyja zborniki tvoraŭ Kuźmy Čornaha i jahonyja pryžyćciovyja publikacyi ŭ pieryjadyčnych vydańniach. Tom byŭ padrychtavany z ulikam moŭnych varyjantaŭ i roznačytańniaŭ, jakija dajuć mahčymaść prasačyć za tvorčaj kuchniaj piśmieńnika.
U tekstach uznoŭlenaja mova Čornaha, adlustravanyja dyjalektałahičnyja asablivaści leksičnych adzinak i ich hramatyčnych formaŭ, padrychtavanyja navukovyja kamientaryi da knihi, aŭtarkaj jakich stała Volha Karačun.
Ciapier čytajuć
Čamadanava raskazała, što kateharyčna nielha abmiarkoŭvać na kuchniach11
Čamadanava raskazała, što kateharyčna nielha abmiarkoŭvać na kuchniach
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary