Novyja staŭki padatkaŭ u 2025 hodzie. Kolki i za što daviadziecca płacić?
Apublikavany praŭki ŭ Padatkovy kodeks. Pahladzieli na asnoŭnyja źmieny, jakija zakranuć ułaśnikaŭ kvater, darahich aŭto, ipešnikaŭ i inšych.
Źmieny dla raźliku padachodnaha padatku
Vyraście suma «ŭzroŭniu bahaćcia» dla raźliku padachodnaha padatku. Standartnaja staŭka padachodnaha padatku składaje 13%, kali biełarus za hod zarobić bolš za 220 tysiač rubloŭ (18 333 rubli ŭ miesiac), to na sumu pieravyšeńnia budzie prymieniacca staŭka pamieram 25%. Raniej paroh byŭ u 200 tysiač rubloŭ.
Ciaham 2025 hoda biez padatkaŭ možna budzie atrymać padarunkaŭ na sumu da 11 516 rubloŭ (ciapier limit — 10 431 rubiel). Paśla hetaj sumy daviadziecca płacić 13% padatku.
Adziny padatak dla IP
Taksama z Novaha hoda vyrastuć staŭki adzinaha padatku dla IP i samazaniatych. Bolš za ŭsio staŭka adzinaha padatku vyraście dla IP, jakija handlujuć u roźnicu «inšymi charčovymi tavarami» — z 1561 da 1654 rubloŭ u Minsku i 1020 zamiest 968 rubloŭ u abłasnych centrach.
Pavyšeńnie stavak adzinaha padatku abhruntoŭvajuć ich karekciroŭka z papraŭkaj na inflacyju.
Padatak na kvatery
Skarektavany raźlikovy košt kvadratnaha mietra roznych vidaŭ nieruchomaści, ad jakoha ŭ tym liku zaležyć i padatak na pieršuju kvateru. Za kvateru na 50 «kvadrataŭ» u stalicy daviadziecca zapłacić 51 rubiel za hod, a ŭ abłasnych centrach — 42,5 rubla. Raniej heta było 48,4 i 40,3 rubla adpaviedna.
Taksama z 2025 hoda źmieniacca staŭki padatku na zdaču žytła. U Minsku zamiest 47 rubloŭ za pakoj budzie 50, a ŭ abłasnych centrach 46 rubloŭ zamiest 44.
Za darahija aŭto daviadziecca płacić bolš
Krychu padrastuć staŭki aŭtamabilnaha padatku.
Dla fizičnych asob na lehkavyja aŭtamabili masaj:
- da 1,5 t — z 66 rubloŭ da 70 rubloŭ;
- bolš za 1,5 t, ale nie bolš za 1,75 t — z 87 da 92 rubloŭ;
- bolš za 1,75 t, ale nie bolš za 2 t — sa 110 da 116 rubloŭ;
- bolš za 2 t, ale nie bolš za 2,25 t — sa 131 da 138 rubloŭ;
- bolš za 2,25 t, ale nie bolš za 2,5 t — sa 153 da 161 rubla;
- bolš za 2,5 t, ale nie bolš za 3 t — sa 174 da 183 rubloŭ;
- bolš za 3 t — z 240 da 253 rubloŭ.
Skasavali 3-hadovy ŭzrostavy cenz dla aŭto padvyšanaj kamfortnaści, za jakija treba płacić padatak u 10-kratnym pamiery. Uzrost aŭto, u dačynieńni da jakich buduć prymianiać pavialičanyja staŭki (ch10), budzie pryviedzieny ŭ pieraliku, jaki vyznačyć urad.
Tytuń i ałkahol
Vyrastuć akcyzy na tytunievyja i ałkaholnyja vyraby. Bolš za ŭsio prybaviać u canie cyharety pieršaj katehoryi (NZ, Minsk, FEST) — plus 11,9%.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary