Alaksiej Lavončyk pra film na ANT: Našu bazu nichto nie ŭzłomvaŭ
20 śniežnia na ANT pakazali čarhovy prapahandyscki film, u jakim nibyta raskryvajucca schiemy pracy fondaŭ, što padtrymlivajuć palitźniavolenych i ichnych svajakoŭ. Kiraŭnik inicyjatyvy «Bajchełp» Alaksiej Lavončyk prakamientavaŭ siužet «Biełsatu», adznačyŭšy, što sistema dastaŭki dapamohi pracuje, jak i raniej.
«Biełaruskim dziaržčynoŭnikam vielmi b chaciełasia, kab našaja sietka salidarnaści była razhromlenaj. Nie. My praciahvajem pracavać. Našaja sietka ŭnutry krainy zastajecca cełaj. Našyja «dziasiatki kurjeraŭ» praciahvajuć zastavacca na svabodzie. Našyja bazy zastajucca niedatykalnymi. A amataram namalavać tablički ŭ ekseli na kalency asablivy pryviet», — napisaŭ Alaksiej Lavončyk.
Jon adznačyŭ, što toje, što ŭ filmie «navierčana ź imionami», — heta absalutnaje tryźnieńnie.
«Ja navat nie mahu zrazumieć, chto hetyja ludzi, jakija tam zhadvalisia. Ja maju na ŭvazie ich tabličku [kadr ź filma, dzie pakazvajecca «baza źviestak» z Jira]. Bazu našu nichto nie ŭzłomvaŭ. Tamu što my nie zachoŭvajem źviestki ŭ adnoj bazie, u nas ich niekalki, my hetyja źviestki raskidali pa niekalkich kłastarach, kab na vypadak uciečki minimizavać škodu ad jaje. Ekspart z Jira, jakaja nie źjaŭlajecca nijakim «arhanajzieram», nie vyhladaje takim čynam, jak tam namalavana… Kali b heta byŭ ekspart z Jira, tablica b była strukturavana zusim inakš», — padkreśliŭ Alaksiej Lavončyk.
Bolš za toje, padkreśliŭ surazmoŭca, u arhanizacyi baza viadziecca nie na rasijskaj movie, tamu statusy «apłačana», jakija byli nasuprać niekatorych proźviščaŭ, vyhladajuć vielmi dziŭna.
Tamu, robić vysnovu Alaksiej Lavončyk, hetaja baza, vierahodna «była sklapanaja na kalency» z tych danych, jakija ŭ ich užo jość».
Što da abaznanaści siłavikoŭ pra viadzieńnie ŭ arhanizacyi prajektaŭ praz Jira, to surazmoŭca nie vyklučaje, što nazva hetaha instrumientu mahła ŭspłyvać niedzie ŭ razmovach, kali ŭličvać, što ŭ arhanizacyi pracuje vialikaja kolkaść čałaviek.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim6
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3131
Kamientary
A voś i čarhovy prakoł prapahandy!
Tur iznoŭ abas.raŭsia.