Папа Францішак заклікаў спыніць вайну ва Украіне і вызваліць закладнікаў у Газе
Папа Рымскі Францішак выступіў са штогадовай каляднай прамовай з лоджыі базілікі Святога Пятра ў Ватыкане. Зварот пантыфіка Urbi et Orbi («Гораду і свету») стаў кароткім выкладаннем бед, з якімі сутыкнуўся свет сёлета.
Папа Францішак заклікаў «усіх людзей усіх нацый» знайсці ў сабе мужнасць у гэты святы год, каб «прымусіць замаўчаць збройныя залпы і пераадолець рознагалоссі», якія раздзіраюць свет, ад Святой Зямлі да Украіны, ад Афрыкі да Азіі.
Папа Рымскі асудзіў «вельмі цяжкую» гуманітарную сітуацыю ў Газе і запатрабаваў вызвалення ізраільскіх закладнікаў, якія па-ранейшаму ўтрымліваюцца на тэрыторыі анклава.
«Няхай змоўкнуць гукі зброі на Блізкім Усходзе. Сузіраючы віфлеемскія яслі, я думаю пра хрысціянскія супольнасці ў Палесціне і Ізраілі, асабліва пра ўлюбёны народ Газы, дзе склалася вельмі цяжкая гуманітарная сітуацыя, — адзначыў Францішак. — Хай спыніцца агонь, хай будуць вызваленыя закладнікі і аказаная дапамога людзям, змучаным голадам і вайной».
Ён таксама заклікаў да спынення агню ў ахопленай вайной Украіне.
Таксама Францішак звярнуўся з заклікам палегчыць доступ да гуманітарнай дапамогі ў пацярпелым ад голаду Судане.
У сераду раніцай паломнікі сталі ў чаргу, каб прайсці праз вялізныя Святыя дзверы ля ўваходу ў базыліку Святога Пятра. У Ватыкане былі ўзмоцненыя меры бяспекі ў сувязі з нядаўняй смяротнай атакай на калядным рынку ў Германіі, якая забрала жыцці пяці чалавек.
«Пуцін свядома абраў Каляды для нападу». Расія нанесла чарговы масіраваны ўдар па энергетыцы Украіны
У калядную раніцу Расія атакуе Украіну ракетамі і дронамі. Абвешчана маштабная трывога
Ціханоўская павіншавала беларусаў, якія святкуюць Каляды 25 снежня
«Байсол» працягвае калядную акцыю «Падорым дзецям цуд!»
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары
калі ў 22-м украінцы прасілі яго прыехаць, у яго калені раптам забалелі, але на бальных каленях папоўз на VII з'ездз сусветных і традыцыйных рэлігій і здзейсніў святую імшу ў Нур-Султане