Staršynia SAAZ nie moža pakinuć Jemien praź izrailskija avijaŭdary. Adzin ź ich ledź nie trapiŭ pa im samim
Staršynia Suśvietnaj arhanizacyi achovy zdaroŭja (SAAZ) Tedras Hiebrejesus razam z delehacyjaj znachodziŭsia ŭ aeraporcie padkantrolnaha chusitam jemienskaha aeraporta Sany, kali toj padvierhnuŭsia pavietranaj bambardziroŭcy Izraila. Infrastruktura aeraporta razburanaja, a adzin z členaŭ ekipaža samalota SAAZ paranieny, paviedamiŭ Hiebrejesus.
«My źbiralisia pačać pasadku na avijarejs z Sany [stalica padkantrolnaj prairanskim chusitam častki Jemiena], kali aeraport padvierhsia pavietranaj bambardziroŭcy. Adzin z členaŭ ekipaža našaha samalota byŭ paranieny, a ŭ samim aeraporcie zahinuli dva čałavieki. Dyśpietčarskaja vieža, zała čakańnia vyletu — usiaho za niekalki mietraŭ ad nas — i ŭźlotnaja pałasa paškodžanyja», — napisaŭ hienieralny dyrektar SAAZ Tedras Hiebrejesus u svaim akaŭncie ŭ tvitary (X), pieradaje Ruskaja słužba Bi-bi-si.
Jak vynikaje z zajavy Hiebrejesusa, jon nie paciarpieŭ, razam z kalehami z SAAZ i AAN jany znachodziacca ŭ biaśpiecy, ale nie zmohuć pakinuć Jemien, pakul paškodžańni ŭ aeraporcie nie buduć likvidavanyja.
Izrailskija aficyjnyja asoby zajavili, što ŭdary byli naniesienyja jahonymi źniščalnikami pa aeraporcie ŭ Sanie, dźvium elektrastancyjam i trom marskim portam — usio heta, pavodle izrailskaha kamandavańnia, źjaŭlajecca «vajskovaj infrastrukturaj chusitaŭ».
U apošnija dni Izrail papiaredžvaŭ, što rychtuje mahutny ŭdar pa chusickaj častcy Jemiena ŭ adkaz na niadaŭni abstreł hrupoŭkaj izrailskich haradoŭ rakietami i bieśpiłotnikami, u vyniku jakoha byli paranienyja bolš za dziasiatak čałaviek. Ministerstva abarony Izraila papiaredziła, što maje namier «adsiačy kiraŭnictva hrupoŭki».
Chusity — heta radykalnaja šyickaja ŭzbrojenaja palityčnaja i relihijnaja hrupoŭka, jakuju padtrymlivaje Iran. U 2015 hodzie hrupoŭka ŭziała pad svoj kantrol značnuju častku zachodniaha Jemiena, dzie znachodzicca i stalica krainy, horad Sana. Chusity nieadnarazova atakavali Izrail rakietami i dronami-kamikadze ź pieršych miesiacaŭ vajny ŭ siektary Haza, jakaja pačałasia paśla maštabnaha napadu CHAMAS 7 kastryčnika 2023 hoda.
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma15
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary