Izrail upieršyniu pryznaŭ, što zabiŭ lidara CHAMASa Ismaiła Chaniju ŭ Iranie
Ministr abarony Izraila Israel Kac upieršyniu pryznaŭ, što izrailskija ŭłady stajać za zabojstvam kiraŭnika Palitbiuro hrupoŭki CHAMAS Ismaiła Chanii ŭ Tehieranie ŭ lipieni hetaha hoda, piša Bi-bi-si.
Kac zhadaŭ pra heta, havoračy pra baraćbu Iranam chusitami ŭ Jemienie, jakija zapuskajuć rakiety i bieśpiłotniki pa terytoryi Izraila i jakich padtrymlivaje Iran.
Pavodle ministra, izrailskija ŭłady «naniasuć udar pa infrastruktury chusitaŭ i źniščać ich kiraŭnictva».
«Taksama, jak my zrabili ź Ismaiłam Chanijaj, Jachjoj Sinvaram i Chasanam Nasrała ŭ Tehieranie, siektary Hazy i Livanie, my zrobim u Chadejdzie i Sanie» (harady ŭ Jemienie), — zajaviŭ jon, majučy na ŭvazie jašče dvuch lidaraŭ livanskaj «Chiezbały» i CHAMAS, jakija byli zabityja ŭ hetym hodzie.
62-hadovy Chanija byŭ zabity ŭ svajoj rezidencyi ŭ iranskaj stalicy 31 lipienia, kali pryjechaŭ na inaŭhuracyju prezidenta Irana Masuda Piezieškijana. Pa domie byŭ, imavierna, naniesieny avijaŭdar.
Paśla jaho śmierci CHAMAS pryznačyŭ novym lidaram Jachju Sinvara, jakoha Izrail nazyvaŭ arhanizataram napadu ŭ kastryčniku 2023 hoda.
Sinvar byŭ zabity izrailskimi vajskoŭcami padčas vypadkovaj sustrečy ŭ siektary Hazy ŭ kastryčniku, i hrupoŭka ŭsio jašče znachodzicca ŭ pracesie vybaru novaha lidara.
Chusity, jakija kantralujuć paŭnočna-zachodni Jemien, pačali atakavać izrailskija i mižnarodnyja sudny ŭ Čyrvonym mory nieŭzabavie paśla taho, jak Izrail pačaŭ apieracyju suprać CHAMAS u Hazie ŭ kastryčniku minułaha hoda, a taksama zapuskać rakiety i drony na izrailskuju terytoryju. Hetyja ataki praciahvajucca da hetaha času.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary
Tel Aviv praz paŭhady ...niešta u " miertvym morie" padochła.