Finlandyja vyjaviła ślady ad jakara na dnie Bałtyjskaha mora paśla paškodžańnia kabiela
U paškodžańni elektrakabiela Estlink 2 pamiž Finlandyjaj i Estonijaj padazrajecca tankier «cieniavoha fłotu» Eagle S, jaki pieravoziŭ rasijskuju naftu ŭ abychod sankcyj, piša «Hołas Amieryki».
Finskaja palicyja zajaviła ŭ niadzielu, što vyjaviła ślady, jakija ciahnucca na dziasiatki kiłamietraŭ pa dnie Bałtyjskaha mora. Tankier, jaki pieravoziŭ rasijskuju naftu, padazrajecca ŭ tym, što svaim jakaram pierarezaŭ liniju elektrapieradačy i čatyry telekamunikacyjnyja kabieli.
U čaćvier sudna Eagle S, zarehistravanaje na Astravach Kuka, było zatrymana finskaj palicyjaj i supracoŭnikami bierahavoj achovy. Ekipaž zatrymanaha tankiera dapytvajuć.
Krainy Bałtyjskaha mora znachodziacca ŭ stanie pavyšanaj hatoŭnaści paśla sieryi paškodžańniaŭ siłavych kabielaŭ, telekamunikacyjnych linij i hazapravodaŭ z času ŭvarvańnia Rasii va Ukrainu ŭ 2022 hodzie. U piatnicu ŭ NATO zajavili, što aljans uzmocnić svaju prysutnaść u rehijonie.
U sieradu ŭ abied adbyŭsia abryŭ elektrakabiela Estlink 2 mahutnaściu 658 miehavat (MVt) pamiž Finlandyjaj i Estonijaj, i ciapier abiedźvie krainy złučaje tolki Estlink 1 mahutnaściu 358 MVt, paviedamili apieratary elektrasietak. Pavodle ich słoŭ, Estlink 2 moža być adnoŭleny nie raniej za žnivień.
Finskaja palicyja padazraje, što sudna Eagle S naniesła škodu, praciahnuŭšy svoj jakar pa marskim dnie.
Śledčyja vyjavili «śled», ale pakul nie znajšli źnikły jakar, havorycca ŭ zajavie Sami Pajła, kiraŭnika taktyčnaj hrupy i hałoŭnaha inśpiektara Nacyjanalnaha biuro rasśledavańniaŭ Finlandyi.
«Daŭžynia śledu składaje dziasiatki kiłamietraŭ», — skazaŭ Pajła.
Na fotazdymkach, zroblenych u piatnicu, vidać, što ŭ sudna Eagle S adsutničaje jakar pa levym borcie.
Mytnaja słužba Finlandyi ličyć, što sudna źjaŭlajecca častkaj «cieniavoha fłotu» sastarełych tankieraŭ, jakija vykarystoŭvajucca dla abychodu sankcyj na ekspart rasijskaj nafty.
-
U Amurskaj vobłaści Rasii dziaŭčyna vypadkova vykinuła $75 tysiač. Uvišnyja susiedzi znajšli na śmietniku: častku prapili, na reštu kupili dom
-
U achoŭnika Pucina zaŭvažyli ŭ rukach nieviadomuju pryładu. Ekśpierty vyznačyli jaho jak dron-pierachopnik
-
Stralba ŭ chmaračosie na Manchetanie: zabityja čatyry čałavieki, strałok zastreliŭsia
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik20
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje55
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje5
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1212
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć12
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary