Isłamisckija miedyja Siryi zaretušavali kiraŭničku MZS Hiermanii Analenu Bierbak na apublikavanych fota jaje vizitu
A novy kiraŭnik Siryi admoviŭsia pacisnuć ruku ministru zamiežnych spraŭ Hiermanii Analenie Bierbak — jak žančynie — padčas jaje vizitu ź Siryju.
Navinavy kanał Almharar raspaŭsiudziŭ fatahrafii, na jakich ministr zamiežnych spraŭ FRH Analena Bierbak z-za blura stała niepaznavalnaj, piša BILD.
Jaje francuzski kaleha Žan-Noel Baro byŭ apublikavany biez retušy pobač ź siryjskimi palitykami i inšymi mužčynami.
Almharar źviazany sa Svabodnaj siryjskaj armijaj, najbujniejšym na siońniašni dzień apazicyjnym rucham u Siryi, jaki tolki što pryjšoŭ da ŭłady.
Taksama ŭ chodzie vizitu novy kiraŭnik Siryi — lidar hrupoŭki «Chajat Tachryr aš-Šam» Achmied al-Šaraa (raniej viadomy jak al-Džułani) admoviŭsia pacisnuć ruku Analenie Bierbak, imavierna, tamu, što jana žančyna.
Achmied Al-Šaraa na pryjomie ŭ Damasku praciahnuŭ ruku tolki jaje francuzskamu kalehu Žanu-Naelu Baro. Bierbak jon pavitaŭ inakš — prykłaŭšy ruku da svaich hrudziej. Inšyja siryjcy taksama zrabili padabienstva pakłonu ŭ dačynieńni da abodvuch jeŭrapiejskich ministraŭ.
Kiraŭniki MZS Francyi i Hiermanii 3 studzienia prybyli ŭ Siryju na pieramovy z novymi ŭładami. «U Siryi my chočam dapamahčy ažyćciavić mirny pierachod ułady, jaki byŭ by karysny dla siryjcaŭ i stabilnaści rehijona», — napisaŭ u sacyjalnaj sietcy X Žan-Nael Baro.
Ciapier čytajuć
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary
Da Syrii pryjechali jakaja tolki naradžajecca Lidzier Sirii u halštukie a heta charam parušeńnie " usich tradycyj" i ničoha .