Biełarus padaryŭ brytancy ružy — taja nie viedaje, jak heta razumieć
U sacsietcy Reddit źjaviŭsia post ad zamiežnicy, jakaja prosić patłumačyć pavodziny siabra ź biełaruskimi karaniami. I ŭsio praź jaho padarunak, što padaŭsia dziaŭčynie niezvyčajnym.
Aŭtarka publikacyi, 24-hadovaja brytanka, vučycca razam z chłopcam rodam z Uschodniaj Jeŭropy: jon napałovu ruski i napałovu biełarus. Jana ličyć hetaha chłopca svaim siabram, chacia i pryznajecca, što jon addaje pieravahu kamunikacyi ź inšymi ludźmi. I, tym nie mienš, jana kaža, što maje da jaho pačućci.
Kali ŭ dziaŭčyny byŭ dzień naradžeńnia, jaje siabar padaravaŭ joj vialiki bukiet z ružovych ružaŭ. Zamiežnica hublajecca ŭ zdahadkach: heta prosta miły žest abo chłopiec sprabuje zrabić pieršy krok da adnosinaŭ?
Kamientatary nie znajšli zhody pa hetym pytańni. Ale bolšaść ź ich adznačyła, što taki padarunak — heta jaŭna niešta bolšaje, čym simvaličny znak uvahi. Paraili źviarnuć uvahu na koler: maŭlaŭ, ružovyja ružy — heta chutčej pravierka zacikaŭlenaści dziaŭčyny, a voś bukiet z čyrvonych ružaŭ dakładna aznačaje, što chłopiec zakachany.
Na dumku inšaha kamientatara, sučasnyja słavianie pra takoje nie razvažajuć, prosta tamu što nie viedajuć značeńnia koleraŭ kvietak. Jon taksama kaža, što słavianie nie razumiejuć amierykanskija tradycyi, źviazanyja sa spatkańniami, zaručynami i šlubam. Tamu dziaŭčynie treba brać situacyju pad kantrol:
«Biełarusy bačyli amierykanskija tradycyi ŭ filmach i mohuć tolki kapiravać ich. Tamu kali jon doryć tabie piarścionak, heta nie abaviazkova aznačaje prapanovu šlubu. Kali jon doryć tabie tanny piarścionak i robić prapanovu, heta nie aznačaje, što jon čakaje, kab tvaje baćki apłacili viasielle».
«Naša Niva» — bastyjon biełaruščyny
PADTRYMAĆ
Kamientary