Dziaŭčyna robić biełaruskamoŭnyja kaviery na papularnyja pieśni. Vybar niekatorych artystaŭ ździŭlaje
Dziakujučy Alinie Hurskaj na biełaruskaj movie zahučali navat pieśni Šamana. Sprečnaje, kaniečnie, pytańnie, čaho ŭ hetym bolš — plusaŭ ci minusaŭ. A vy jak ličycie?
Alinie 22 hady, jašče letaś dziaŭčyna pracavała pa raźmierkavańni ŭ Homieli muzyčnaj kiraŭnicaj u adnym ź dziciačych sadkoŭ. Ale dziaŭčyna źbiehła adtul adrazu, jak pierastała być daŭžnicaj dziaržavy. U sacyjalnych sietkach jana pryznavałasia, što na 99% nie lubiła svaju pracu (a toj 1%, jaki joj padabaŭsia — heta dzieci).
Paśla zvalnieńnia Alina pierajechała ŭ Minsk. Dziaŭčyna viadzie akaŭnty ŭ instahramie dy tyktoku i ahułam maje 70 tysiač padpisčykaŭ. Jaje hałoŭnaja fiška — biełaruskamoŭnyja kaviery.
Śpiavačka praśpiavała na biełaruskaj takija papularnyja pieśni, jak chit Money hurta ABBA, Show must go on rok-bendu Queen, a taksama «Hruzinskaje dyska» ad Nikos Band. Ale čaściej za ŭsio Alina robić kaviery na rasijskuju estradu i pieraroblivaje chity MakSim, Nadziei Kadyšavaj, ANNA ASTI i inšych.
Adno z najbolš papularnych muzyčnych videa dziaŭčyny — kavier na pieśniu «Matuška» Taćciany Kurtukovaj. Darečy, mienavita hety trek prynios papularnaść byłoj vykładčycy Pienzienskaha kaledža mastactvaŭ. Ciapier «Matuška» — adzin z hałoŭnych ideałahičnych chitoŭ na rasijskaj estradzie.
Sama Kurtukova tłumačyła pośpiech pieśni tym, što padčas «chłuśni i kryvadušnaści» ŭ ludziej uźnikaje patreba ŭ «pošuku praŭdy», ad čaho «ŭźnikaje cikavaść da svaich karanioŭ i da tradycyjnaj kultury».
Biełaruskaja viersija pad nazvaj «Matuchna ziamla» nabrała ŭ tyktoku 774 tysiačy prahladaŭ i 606 tysiač prahladaŭ u instahramie. Zamiest «Dla mienia — Śviataja Ruś, dla druhich — zanozońka», Alina śpiavaje: «Heta Biełaruś maja, heta majo soniejka».
Jašče bolš papularnym staŭ kavier Aliny na pieśniu Šamana «Vstaniem». Jon nabraŭ 1,3 miljona prahladaŭ u tyktoku, ale ŭsiaho 77 tysiač u instahramie.
Treba adznačyć, što ŭ dziaŭčyny šmat ruskamoŭnych prychilnikaŭ, jakija, dziakujučy Alinie, adkryli dla siabie pryhažość biełaruskaj movy.
Jakraz ciapier Alina pracuje nad kavieram na pieśniu Siarhieja Łazarava «Dažie jeśli ty ujdioš». U storys dziaŭčyna raskazała, što zapis 30 siekund kaviera kaštuje joj šmat niervovych kletak — u niejkija momanty jana navat choča złamać mikrafon.
— Ja chaču ŭsio i adrazu. I kali ź pieršaha razu nie atrymlivajecca, pačynaju psichavać. Ja viedaju, što ŭsio i adrazu nie byvaje. I vučusia być spakojnaj u takich situacyjach.
«U mianie na pracy źnikli ŭsie «jaŝiki», zastalisia tolki šufladki». Dziaŭčyna ź Viciebska padzialiłasia, jak maskvičy jaje nie razumiejuć
Znajšłosia jašče adno słova, jakoje havorać pa-rusku biełarusy, ale nie viedajuć rasijanie
Jak chłopiec z Babrujska staŭ zorkaj va Ukrainie
Rasijan bambanuła z nahody pieršaha biełaruskamoŭnaha alboma «Piatli prychilnaści»
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary