SBU raskazała, što stała viadoma z dopytaŭ uziatych u pałon paŭnočnakarejskich vajskoŭcaŭ
Siły śpiecapieracyj Ukrainy ŭziali ŭ pałon dvaich paŭnočnakarejskich sałdat u Kurskaj vobłaści, zajaviŭ 11 studzienia prezident Ukrainy Uładzimir Zialenski. Pavodle jaho słoŭ, abodva vajskoŭcy paranienyja, ciapier jany dastaŭlenyja ŭ Kijeŭ i prachodziać dopyty. Słužba biaśpieki Ukrainy, u svaju čarhu, paviedamiła, jakija pieršyja vyniki hetych dopytaŭ.
Pałonnyja nie havorać na ŭkrainskaj, anhlijskaj abo ruskaj movach, tamu kamunikacyja ź imi adbyvajecca praź pierakładčykaŭ karejskaj movy va ŭzajemadziejańni z raźviedkaj Paŭdniovaj Karei.
Na momant uziaćcia ŭ pałon adzin ź inšaziemcaŭ mieŭ pry sabie vajskovy bilet rasijskaha ŭzoru, vydadzieny na imia inšaj asoby z rehistracyjaj u rasijskaj Respublicy Tyva. Druhi naohuł byŭ biez dakumientaŭ.
Padčas dopytu vajskoviec KNDR, u jakoha byŭ znojdzieny bilet, zajaviŭ supracoŭnikam SBU, što hety dakumient jamu vydali ŭ Rasii vosieńniu 2024 hoda. Tady, pavodle jaho słoŭ, častka bajavych padraździaleńniaŭ Paŭnočnaj Karei na praciahu adnaho tydnia prachodziła zładžvańnie z rasijskimi hrupoŭkami.
Sam jon zajaviŭ, što naradziŭsia ŭ 2005 hodzie, zajmaŭ pasadu strałka i prachodziŭ vajskovuju słužbu ŭ Paŭnočnaj Karei z 2021 hoda. Pry hetym pałonny padkreślivaje, što jechaŭ nibyta na vučeńni, a nie na vajnu suprać Ukrainy.
Inšy vajennapałonny paćvierdziŭ pakazańni svajho suajčyńnika. Častku adkazaŭ na pytańni jon davaŭ piśmova, pakolki ŭ jaho traŭmavanaja skivica. Pavodle papiarednich źviestak, jon 1999 hoda naradžeńnia, a ŭ vojsku KNDR słužyć z 2016 hoda na pasadzie snajpiera-raźviedčyka.
Ciapier čytajuć
«Pamiery pałochajuć». Jak vyhladaje znutry novaadkryty handlovy centr u «Minsk-Śviecie» FOTY11
Kamientary
ništo nie paćviardžaje taho, što heta karejcy z paŭnočnaj karei lepš, čym vyłučeńnie biudžetu i stvareńnie płana na batafiermu ŭ jakoj ty pracuješ.