«Nu i siadzi, rochkaj dalej». Nieviadomy zasmuciŭsia, kali nie zdoleŭ padmanuć biełarusa ŭ internecie
Nieviadomy sprabavaŭ padmanuć pradaŭca ŭ internecie, skinuŭšy jamu fejkavuju spasyłku na dastaŭku. Ale ŭsio pajšło nie pa płanie.
Machlary sprabujuć «raźvieści» pradaŭcoŭ tavaraŭ na anłajn-placoŭkach. Jany karystajucca padroblenymi spasyłkami na servis papularnaj dastaŭki.
Historyjaj pra toje, jak u machlara nie atrymałasia, padzialiŭsia čytač Onliner. Jon pradavaŭ tavar na adnym z sajtaŭ. Ź im źviazaŭsia nibyta patencyjny pakupnik, kab udakładnić detali.
Čałaviek byccam niapravilna ŭbačyŭ horad u abjavie i prapanavaŭ aformić kurjerskuju dastaŭku praz servis «Jeŭrapošta», pakolki nakładzienym płaciažom jamu było niazručna.
Zatym nieviadomy dasłaŭ pradaŭcu spasyłku na zakaz. Adnak damien adroźnivaŭsia ad aficyjnaha damiena «Jeŭrapošty».
Historyja skončyłasia hałasavym paviedamleńniem. Nieviadomy zrazumieŭ, što padmanuć nie atrymałasia, i skazaŭ: «Nu i siadzi, rochkaj dalej».
Miarkujučy pa ŭsim, pa padroblenaj spasyłcy byŭ fejkavy interfiejs «Jeŭrapošty», dzie treba było b uvodzić dadzienyja bankaŭskaj kartki. Takim čynam złamyśniki sprabujuć zavałodać važnaj infarmacyjaj, što moža pryvieści da straty hrošaj.
-
U Barysavie raspracavali pažarny tank dla samych składanych uzharańniaŭ FOTY
-
KDB abvieściŭ zatrymanych knihavydaŭcoŭ Jaŭdachu, Bahdanoviča i Kołasa ŭdzielnikami ekstremisckaha farmavańnia
-
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju
Kamientary
Na 2-ch skrynšotach numar zamazaŭ, na 3-m pakinuŭ.
Nu i repościć takoje ślepa taksama nie treba, možna ž padumać.