U Słavakii školnik admoviŭsia pacisnuć ruku prezidentu praź jaho pazicyju pa vajnie va Ukrainie
Padčas uračystaściaŭ u prezidenckim pałacy 13 studzienia słavacki staršakłaśnik Siman Omanik admoviŭsia pacisnuć ruku prezidentu krainy Pieteru Pielehryni praz prarasijskuju pazicyju apošniaha. Adbyłosia heta padčas uznaharodžańnia pieramožcaŭ matematyčnaj alimpijady.
Omanik abvinavaciŭ prezidenta ŭ niesumlennaj pieramozie na vybarach: ź jahonych słoŭ, Pielehryni manipulavaŭ temaj vajny va Ukrainie, raźviazanaj Rasijaj, nastrojvaŭ vybarščykaŭ suprać svajho apanienta, śćviardžaŭ, što toj u vypadku svajho abrańnia adpravić ich vajavać va Ukrainu.
«Ja nie dumaju, što było b pravilna pacisnuć ruku takomu čałavieku abo mieć znosiny ź im, tamu što ja nie zhodny ź im i liču jaho ašukancam i chłusam», — skazaŭ junak u intervju słavackamu vydańniu Dennik N.
Atrymlivać uznaharodu jon vyjšaŭ z žoŭta-błakitnaj stužkaj na pinžaku.
Raniej prezident Słavakii admoviŭsia jechać u Kijeŭ praz spynieńnie tranzitu rasijskaha hazu praz Ukrainu. «Kali mnie daviadziecca pajechać tudy, kab prosta sfatahrafavacca, i mnie paviedamiać, što ni kropli nafty i hazu nie pojdzie ŭ Słavakiju, mnie sapraŭdy nie abaviazkova tudy jechać. Chaj nichto na mianie nie złujecca», — zajaviŭ jon tady.
Pieter Pielehryni ličycca prarasijskim palitykam i sajuźnikam premjer-ministra Robierta Fica. Pielehryni pieramoh na prezidenckich vybarach u Słavakii ŭ 2024 hodzie.
Fica nie pajedzie ŭ Kijeŭ dla abmierkavańnia tranzitu hazu
Fica prapanavaŭ Zialenskamu sustrecca i abmierkavać tranzit hazu. Toj adkazaŭ łakanična
Polšča nie dała słavackaj delehacyi dazvoł na pralot u Maskvu. Tyja lacieli ŭ abchod
«Rasija nikoli nas nie padmanvała, u adroźnieńnie ad Ukrainy». Słavacki premjer pahardliva vykazaŭsia pra Zialenskaha i ŭkraincaŭ
Premjer Słavakii paśla pajezdki da Pucina pajechaŭ adpačyvać u šykoŭny vjetnamski hatel
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj12
Kamientary