У Славакіі школьнік адмовіўся паціснуць руку прэзідэнту праз яго пазіцыю па вайне ва Украіне
Падчас урачыстасцяў у прэзідэнцкім палацы 13 студзеня славацкі старшакласнік Сіман Оманік адмовіўся паціснуць руку прэзідэнту краіны Петэру Пелегрыні праз прарасійскую пазіцыю апошняга. Адбылося гэта падчас узнагароджання пераможцаў матэматычнай алімпіяды.
Оманік абвінаваціў прэзідэнта ў несумленнай перамозе на выбарах: з ягоных слоў, Пелегрыні маніпуляваў тэмай вайны ва Украіне, развязанай Расіяй, настройваў выбаршчыкаў супраць свайго апанента, сцвярджаў, што той у выпадку свайго абрання адправіць іх ваяваць ва Украіну.
«Я не думаю, што было б правільна паціснуць руку такому чалавеку або мець зносіны з ім, таму што я не згодны з ім і лічу яго ашуканцам і хлусам», — сказаў юнак у інтэрв'ю славацкаму выданню Dennik N.
Атрымліваць узнагароду ён выйшаў з жоўта-блакітнай стужкай на пінжаку.
Раней прэзідэнт Славакіі адмовіўся ехаць у Кіеў праз спыненне транзіту расійскага газу праз Украіну. «Калі мне давядзецца паехаць туды, каб проста сфатаграфавацца, і мне паведамяць, што ні кроплі нафты і газу не пойдзе ў Славакію, мне сапраўды не абавязкова туды ехаць. Хай ніхто на мяне не злуецца», — заявіў ён тады.
Петэр Пелегрыні лічыцца прарасійскім палітыкам і саюзнікам прэм'ер-міністра Роберта Фіца. Пелегрыні перамог на прэзідэнцкіх выбарах у Славакіі ў 2024 годзе.
Фіца не паедзе ў Кіеў для абмеркавання транзіту газу
Фіца прапанаваў Зяленскаму сустрэцца і абмеркаваць транзіт газу. Той адказаў лаканічна
Польшча не дала славацкай дэлегацыі дазвол на пралёт у Маскву. Тыя ляцелі ў абход
«Расія ніколі нас не падманвала, у адрозненне ад Украіны». Славацкі прэм'ер пагардліва выказаўся пра Зяленскага і ўкраінцаў
Прэм'ер Славакіі пасля паездкі да Пуціна паехаў адпачываць у шыкоўны в'етнамскі гатэль
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам26
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары