Palitźniavolenaha Jurasia Ziankoviča zdymali, padobna, u hateli «Jeŭropa»
Mebla minskaha hatela — kresła i stolik — padobnaja da toj, što ŭ kadry ANT.
Vid na praśpiekt u pačatku anonsu — niedaloka ad Ratušy na Niamizie, što pobač z hatelem.
Amierykanski juryst Juraś Ziankovič razam ź inšymi fihurantami «spravy zmoŭščykaŭ» byŭ zatrymany ŭ krasaviku 2021 hoda. Paśla hetaha KDB i FSB zajavili, što nibyta praduchilili zamach na Łukašenku i jahonych synoŭ, a taksama ab «raskryćci dziaržaŭnaha pieravarotu». Ziankovič — adziny ź piaci abvinavačanych pa hetaj spravie, chto zaklučyŭ ździełku sa śledstvam. Jon całkam pryznaŭ svaju vinu.
Jaho pryznali vinavatym pa č. 1 art. 357 KK (zmova z metaj zachopu dziaržaŭnaj ułady niekanstytucyjnym šlacham), č. 1 art. 361-1 KK (stvareńnie ekstremisckaha farmavańnia i kiraŭnictva im), č. 3 art. 361 KK (publičnyja zakliki da zachopu dziaržaŭnaj ułady), č. 3 art. 130 KK (raspalvańnie sacyjalnaj varožaści). U vieraśni 2022 hoda Ziankoviču pryznačyli 11 hadoŭ kałonii va ŭmovach uzmocnienaha režymu.
Praz try miesiacy palitviaźnia sudzili ŭžo pa novaj kryminalnaj spravie. Ziankoviča abvinavačvali ŭ «abrazie pradstaŭnika ŭłady» (art. 369 KK). Padstavaj dla hetaha stali «abraźlivyja kamientary ŭ telehram-kanale, pryznanym ekstremisckim». U śniežni 2022 hoda sud Miadzieła dadaŭ jamu jašče paŭhoda źniavoleńnia.
Termin palitviazień spačatku adbyvaŭ u babrujskaj kałonii №2. Administracyja kałonii prymušała palitviaźnia vynosić viodry z ekskremientami i myć prybiralniu, a kali toj admoviŭsia — adpraŭlali ŭ ŠIZA. Palitviazień tady abviaščaŭ haładoŭku. Paźniej Jurasiu ŭzmacnili pakarańnie i pavodle rašeńnia babrujskaha suda pieraviali na turemny režym u Mahiloŭ.
Pa infarmacyi pravaabaroncaŭ «Viasny», u mahiloŭskaj turmie №4 jaho pazbavili pieradač, taksama jamu nielha było mieć hrošy na rachunku dla «atavarki». Da Jurasia znoŭ pastajanna čaplałasia administracyja i doŭhi čas utrymlivała jaho ŭ ŠIZA. Praz heta palitviazień abjaŭlaŭ niekalki razoŭ haładoŭki. Aproč usiaho, jon moh kamunikavać tolki sa śviatarom.
U vieraśni 2024 hoda prapahandysty ŭžo pakazvali film z udziełam Ziankoviča, jaki ŭraziŭ usich tym, što palitviazień źmianiŭsia da niepaznavalnaści — schudnieŭ jak u kancłahiery.
Jak ciapier vyhladaje palitźniavoleny Juraś Ziankovič. Jon nie ŭ robie, a ŭ cyvilnym kaściumie
Dzie prapahandysty zdymali Ihara Łosika i inšych palitviaźniaŭ?
Pasolstva ZŠA ŭ Biełarusi zreahavała na film ź Jurasiom Ziankovičam
BT pakazała Ziankoviča, kab toj źviarnuŭsia da Trampa i Charys z prośbaj zabrać jaho
Jak vyhladaje 46-hadovy juryst Juraś Ziankovič praz try z pałovaj hady źniavoleńnia ŭ biełaruskaj turmie
Kamientary