Ołaf Šolc pierad vybarami błakuje pakiet dapamohi Ukrainie na 3 miljardy jeŭra
Ministarka zamiežnych spraŭ Hiermanii Analena Bierbak i inšyja niamieckija palityki krytykujuć kanclera Ołafa Šolca za toje, što toj admoviŭsia ŭchvalić dadatkovy pakiet vajskovaj dapamohi Kijevu, piša Euronews.
Fiederalny kancler Hiermanii Ołaf Šolc trapiŭ pad ahoń krytyki za admovu ŭchvalić vydzialeńnie jašče 3 miljardaŭ jeŭra na vajskovuju dapamohu Ukrainie, kali jana nie budzie finansavacca za košt dadatkovych pazyk.
Vystupajučy pa nacyjanalnym telebačańni ŭ pačatku hetaha tydnia, Šolc zajaviŭ, što pahodzicca vydzielić srodki tolki ŭ tym vypadku, kali dla finansavańnia buduć vypuščanyja novyja dziaržablihacyi, a nie za košt zrazańnia vydatkaŭ na sacprahramy.
Havorka idzie pra pakiet u dadatak da ŭžo praduhledžanych u biudžecie na 2025 hod 4 miljardaŭ jeŭra dapamohi Kijevu. Srodki pavinny pajści ŭ asnoŭnym na zakupku ŭzbrajeńniaŭ dla supraćpavietranaj abarony Ukrainy.
Apazicyjnyja palityki i navat ministarka zamiežnych spraŭ Analena Bierbak abvinavacili Šolca ŭ pieradvybarčaj ahitacyi.
«Hiermanija ŭ cełym u ciapierašni čas nie razhladajecca jak ruchajučaja siła mirnaj palityki ŭ Jeŭropie, i, ščyra kažučy, heta mianie zasmučaje», — skazała Bierbak, jakaja pradstaŭlaje partyju «zialonych», u intervju Politico 17 studzienia.
«Navat ciapier, padčas pieradvybarčaj kampanii, niekatoryja staviać u asnovu nacyjanalnuju pierśpiektyvu — abo toje, jak chutka nabrać niekalki hałasoŭ na parłamienckich vybarach — zamiest taho, kab uziać na siabie realnuju adkaznaść za zabieśpiačeńnie miru i svabody ŭ Jeŭropie», — zajaviła ministarka.
U Hiermanii 23 lutaha projduć pazačarhovyja vybary paśla taho, jak u listapadzie raspałasia trochbakovaja ŭradavaja kaalicyja. Sacyjał-demakratyčnaja partyja Hiermanii Šolca ciapier zajmaje tolki treciaje miesca ŭ apošnich apytańniach hramadskaj dumki (16%), sastupajučy ultrapravaj «Alternatyvie dla Hiermanii» (20%) i pravacentrysckamu błoku Chryścijanska-demakratyčnaha sajuza i Chryścijanska-sacyjalistyčnaha sajuza (31%).
Pavodle paviedamleńniach miascovych ŚMI, mnohija členy i prychilniki SDPH stamilisia ad vajny Rasii va Ukrainie i nie chočuć, kab Hiermanija praciahvała tracić miljardy na pastaŭki zbroi, uličvajučy ekanamičnuju stahnacyju i dvuchznačny deficyt biudžetu krainy.
Ciapier Hiermanija zajmaje druhoje miesca pa abjomach finansavaj i vajskovaj dapamohi Kijevu paśla ZŠA.
«Miežy nie pavinny adsoŭvacca siłaj». Šolc raskrytykavaŭ vykazvańnie Trampa pa Hrenłandyi
Hienieralny sakratar NATO paraiŭ Zialenskamu mienš krytykavać Šolca
Frydrych Mierc: My zmušajem Ukrainu vajavać sa źviazanaj rukoj
Chto takaja Alisa Vajdel — kandydatka na pasadu kanclera Hiermanii ad ultrapravaj «Alternatyvy»
Šolc raskazaŭ, što było ŭ jaho tajamničaj valizcy
Ciapier čytajuć
Łojka pra budučaha pierajemnika Łukašenki: Adčuvajecca, što dziadula rychtujecca, prykidvaje i hladzić varyjanty7
Kamientary
Vy v svojom umie? Jeśli by nie pomoŝ Hiermanii, pohibšich ukrainciev było by v 5 raz bolšie i vojnie vozmožno był by koniec.
NN, čiem vy rukovodstvujetieś, kohda piečatajetie očievidno provokacionnyje biespočviennyje biessmyślennyje soobŝienija forumčan?