Олаф Шольц перад выбарамі блакуе пакет дапамогі Украіне на 3 мільярды еўра
Міністарка замежных спраў Германіі Аналена Бербак і іншыя нямецкія палітыкі крытыкуюць канцлера Олафа Шольца за тое, што той адмовіўся ўхваліць дадатковы пакет вайсковай дапамогі Кіеву, піша Euronews.
Федэральны канцлер Германіі Олаф Шольц трапіў пад агонь крытыкі за адмову ўхваліць выдзяленне яшчэ 3 мільярдаў еўра на вайсковую дапамогу Украіне, калі яна не будзе фінансавацца за кошт дадатковых пазык.
Выступаючы па нацыянальным тэлебачанні ў пачатку гэтага тыдня, Шольц заявіў, што пагодзіцца выдзеліць сродкі толькі ў тым выпадку, калі для фінансавання будуць выпушчаныя новыя дзяржаблігацыі, а не за кошт зразання выдаткаў на сацпраграмы.
Гаворка ідзе пра пакет у дадатак да ўжо прадугледжаных у бюджэце на 2025 год 4 мільярдаў еўра дапамогі Кіеву. Сродкі павінны пайсці ў асноўным на закупку ўзбраенняў для супрацьпаветранай абароны Украіны.
Апазіцыйныя палітыкі і нават міністарка замежных спраў Аналена Бербак абвінавацілі Шольца ў перадвыбарчай агітацыі.
«Германія ў цэлым у цяперашні час не разглядаецца як рухаючая сіла мірнай палітыкі ў Еўропе, і, шчыра кажучы, гэта мяне засмучае», — сказала Бербак, якая прадстаўляе партыю «зялёных», у інтэрв'ю Politico 17 студзеня.
«Нават цяпер, падчас перадвыбарчай кампаніі, некаторыя ставяць у аснову нацыянальную перспектыву — або тое, як хутка набраць некалькі галасоў на парламенцкіх выбарах — замест таго, каб узяць на сябе рэальную адказнасць за забеспячэнне міру і свабоды ў Еўропе», — заявіла міністарка.
У Германіі 23 лютага пройдуць пазачарговыя выбары пасля таго, як у лістападзе распалася трохбаковая ўрадавая кааліцыя. Сацыял-дэмакратычная партыя Германіі Шольца цяпер займае толькі трэцяе месца ў апошніх апытаннях грамадскай думкі (16%), саступаючы ультраправай «Альтэрнатыве для Германіі» (20%) і правацэнтрысцкаму блоку Хрысціянска-дэмакратычнага саюза і Хрысціянска-сацыялістычнага саюза (31%).
Паводле паведамленнях мясцовых СМІ, многія члены і прыхільнікі СДПГ стаміліся ад вайны Расіі ва Украіне і не хочуць, каб Германія працягвала траціць мільярды на пастаўкі зброі, улічваючы эканамічную стагнацыю і двухзначны дэфіцыт бюджэту краіны.
Цяпер Германія займае другое месца па аб'ёмах фінансавай і вайсковай дапамогі Кіеву пасля ЗША.
«Межы не павінны адсоўвацца сілай». Шольц раскрытыкаваў выказванне Трампа па Грэнландыі
Генеральны сакратар NATO параіў Зяленскаму менш крытыкаваць Шольца
Фрыдрых Мерц: Мы змушаем Украіну ваяваць са звязанай рукой
Хто такая Аліса Вайдэль — кандыдатка на пасаду канцлера Германіі ад ультраправай «Альтэрнатывы»
Шольц расказаў, што было ў яго таямнічай валізцы
Цяпер чытаюць
Амерыканскі журналіст Шустэр расказаў, як яго ўгаворвалі зрабіць інтэрв'ю з Лукашэнкам. Нават прапаноўвалі грошы4
Каментары
Вы в своём уме? Если бы не помощь Германии, погибших украинцев было бы в 5 раз больше и войне возможно был бы конец.
НН, чем вы руководствуетесь, когда печатаете очевидно провокационные беспочвенные бессмысленные сообщения форумчан?