Capkała razasłaŭ pa usim Jeŭrasajuzie skarhi na Cichanoŭskuju i inšych stvaralnikaŭ pašparta Novaj Biełarusi
Adzin z udzielnikaŭ prezidenckaj vybarčaj kampanii 2020 hoda Valeryj Capkała, jaki ciapier znachodzicca na emihracyi, padaŭ ad imia svajoj arhanizacyi Biełaruski demakratyčny forum, zapyt na praviadzieńnie rasśledavańnia adnosna vydačy «pašpartoŭ Novaj Biełarusi». Adrasatami zapytaŭ stali dziaržaŭnyja orhany Litvy, kopii ž razasłanyja ŭ MZS i MUS krain Jeŭrasajuza, a taksama ŭ jeŭrapiejskija struktury i mižnarodnyja arhanizacyi.
U zapycie Capkała padymaje šerah pytańniaŭ, jakija jamu padajucca važnymi. Tak, jon cikavicca:
- jakija pravavyja padstavy isnujuć dla vydačy takich dakumientaŭ i ci zakonna źbirać dla jaho vydačy piersanalnyja danyja ŭnutry ci zvonku Jeŭrasajuza;
- ci budzie hety pašpart aficyjnym dakumientam, jaki śviedčyć asobu, u adpaviednaści z dyrektyvaj ES 2019/1157/EC;
- ci moža heta dakumient rasceńvacca jak padrobleny z pryciahnieńniem asob, jakija jaho pradjaŭlajuć, da kryminalnaj adkaznaści;
- dla jakich met źbirajucca piersanalnyja danyja hramadzian Biełarusi i ci adpaviadaje zbor, zachoŭvańnie i abarona takich danych patrabavańniam GDPR i adpaviednym harantyjam dla hramadzian, uklučajučy biežancaŭ?
- ci moža chto harantavać, što sabranyja źviestki nie buduć pieradadzienyja śpiecsłužbam režymaŭ Łukašenki ci Pucina.
Capkała padaŭ hetyja zapyty, jak jon śćviardžaje, «uličvajučy značnuju hramadskuju zaniepakojenaść, patencyjnyja ryzyki biaśpieki dla hramadzian» i prosić pravieści rasśledavańnie i dać publičnaje zaklučeńnie».
Adrasatami zapytaŭ stali Hienieralnaja prakuratura i Ministerstva ŭnutranych spraŭ Litvy, kopii nakiravanyja kiraŭnictvu Litvy, ministram zamiežnych spraŭ ES, ministram unutranych spraŭ ES, Interpołu, Mižnarodnaj arhanizacyi hramadzianskaj avijacyi i pradstaŭnikam Jeŭrapiejskaj kamisii.
Biełaruski demakratyčny forum, ad imia jakoha Valeryj Capkała nakiroŭvaje zapyty, byŭ stvorany im u 2021 hodzie. Raniej z Capkałam u jaho ramkach supracoŭničali takija dziejačy, jak Volha Karač i Dźmitryj Bałkuniec, ale ci utrymlivajecca hety sajuz dahetul, dakładnych źviestak niama.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy4
Kamientary
Absalutna stoadsotkava harantavana
Što ŭsie dadzienyja uciakuć.
Tak što majcie naŭvazie.
Ahidna ad hetaha i inšych prarasiejskich "novaapazicyjnych".