Donald Tramp viečaram u paniadziełak upieršyniu prybyŭ u Bieły dom u jakaści 47-ha prezidenta ZŠA i adrazu nakiravaŭsia ŭ Avalny kabiniet, dzie padpisaŭ šmatlikija z raniej anansavanych im ukazaŭ, paviedamlaje Bi-bi-si.
Adzin ź pieršych ukazaŭ tyčyŭsia pamiłavańnia sotniaŭ udzielnikaŭ šturmu Kapitolija 6 studzienia 2021 hoda, kali prychilniki Trampa sprabavali pieraškodzić zaćviardžeńniu Džo Bajdena prezidentam i ŭčynili biesparadki ŭ Vašynhtonie.
«Spadziajusia, što jany siońnia vyjduć na svabodu, jany hetaha čakajuć. Prykładna 1500 čałaviek», — skazaŭ Tramp.
Amierykanskija žurnalisty paźniej udakładnili, što Tramp pamyliŭsia, nazvaŭšy hetuju ličbu, — u realnaści było pamiłavana kala 1600 čałaviek.
Tramp taksama źmiakčyŭ prysudy 14 udzielnikam pravaradykalnych hrupovak Oath Keepers i Proud Boys, jakija byli asudžanyja za padbuchtorvańnie da miaciažu i ŭdzieł u płanavańni šturmu.
Advakat adnaho ź lidaraŭ Proud Boys Enrykie Taryjo, jaki adbyvaje samy praciahły 22-hadovy termin, skazaŭ CBS News, što jaho klijent, jak čakajecca, u bližejšy čas vyjdzie na svabodu.
Tramp taksama padpisaŭ ukazy ab pačatku pracesu vychadu ZŠA sa Suśvietnaj arhanizacyi achovy zdaroŭja, pracy sacyjalnaj sietki TikTok, jakoj jon daŭ 75-dzionnuju adterminoŭku da zabarony na terytoryi ZŠA, uviadzieńni režymu nadzvyčajnaj situacyi na paŭdniovaj miažy, a taksama anansavaŭ uviadzieńnie pošlin u dačynieńni da Kanady i Mieksiki.
Pierad prybyćciom u Bieły dom Tramp znoŭ vystupiŭ pierad svaimi prychilnikami ŭ kompleksie Capital One Arena, dzie demanstratyŭna padpisaŭ kala 10 ukazaŭ, u tym liku ab paŭtornym vychadzie ZŠA z Paryžskaha pahadnieńnia pa klimacie i admienie 78 ukazaŭ i rasparadžeńniaŭ časoŭ jaho papiarednika Džo Bajdena.
«Vy možacie sabie ŭjavić, kab Bajden zrabiŭ heta? Nie dumaju», — skazaŭ Tramp pad kryki zały.
Donald Tramp aficyjna staŭ 47-m prezidentam ZŠA
Tramp abiacaje «revalucyju zdarovaha sensu». Adrazu paśla inaŭhuracyi jon padpiša šerah ukazaŭ
Najbolš ščaślivym na inaŭhuracyi Trampa vyhladaŭ Iłan Mask VIDEA
«Samaja vydatnaja palityčnaja pramova, jakuju mnie prychodziłasia čuć». Paźniak nie škaduje stanoŭčych epitetaŭ na adras Trampa
Kamientary
Zahartavanyja złačynstvam i turmoj.