Дональд Трамп вечарам у панядзелак упершыню прыбыў у Белы дом у якасці 47-га прэзідэнта ЗША і адразу накіраваўся ў Авальны кабінет, дзе падпісаў шматлікія з раней анансаваных ім указаў, паведамляе Бі-бі-сі.
Адзін з першых указаў тычыўся памілавання сотняў удзельнікаў штурму Капітолія 6 студзеня 2021 года, калі прыхільнікі Трампа спрабавалі перашкодзіць зацвярджэнню Джо Байдэна прэзідэнтам і ўчынілі беспарадкі ў Вашынгтоне.
«Спадзяюся, што яны сёння выйдуць на свабоду, яны гэтага чакаюць. Прыкладна 1500 чалавек», — сказаў Трамп.
Амерыканскія журналісты пазней удакладнілі, што Трамп памыліўся, назваўшы гэтую лічбу, — у рэальнасці было памілавана каля 1600 чалавек.
Трамп таксама змякчыў прысуды 14 удзельнікам праварадыкальных груповак Oath Keepers і Proud Boys, якія былі асуджаныя за падбухторванне да мяцяжу і ўдзел у планаванні штурму.
Адвакат аднаго з лідараў Proud Boys Энрыке Тарыё, які адбывае самы працяглы 22-гадовы тэрмін, сказаў CBS News, што яго кліент, як чакаецца, у бліжэйшы час выйдзе на свабоду.
Трамп таксама падпісаў указы аб пачатку працэсу выхаду ЗША са Сусветнай арганізацыі аховы здароўя, працы сацыяльнай сеткі TikTok, якой ён даў 75-дзённую адтэрміноўку да забароны на тэрыторыі ЗША, увядзенні рэжыму надзвычайнай сітуацыі на паўднёвай мяжы, а таксама анансаваў увядзенне пошлін у дачыненні да Канады і Мексікі.
Перад прыбыццём у Белы дом Трамп зноў выступіў перад сваімі прыхільнікамі ў комплексе Capital One Arena, дзе дэманстратыўна падпісаў каля 10 указаў, у тым ліку аб паўторным выхадзе ЗША з Парыжскага пагаднення па клімаце і адмене 78 указаў і распараджэнняў часоў яго папярэдніка Джо Байдэна.
«Вы можаце сабе ўявіць, каб Байдэн зрабіў гэта? Не думаю», — сказаў Трамп пад крыкі залы.
Дональд Трамп афіцыйна стаў 47-м прэзідэнтам ЗША
Трамп абяцае «рэвалюцыю здаровага сэнсу». Адразу пасля інаўгурацыі ён падпіша шэраг указаў
Найбольш шчаслівым на інаўгурацыі Трампа выглядаў Ілан Маск ВІДЭА
«Самая выдатная палітычная прамова, якую мне прыходзілася чуць». Пазняк не шкадуе станоўчых эпітэтаў на адрас Трампа
Каментары
Загартаваныя злачынствам і турмой.