Były staršynia BNF, jaki minułym letam vyjšaŭ na svabodu, zmahajecca z ankałohijaj — try apieracyi za hod. «Naša Niva» raspytała siabroŭ Ryhora Kastusiova, jak jon ciapier žyvie.
Jak nam stała viadoma, u listapadzie 2024 hoda Ryhoru Kastusiovu zrabili apieracyju ŭ RNPC u Baraŭlanach. Ale hetym sprava nie skončyłasia. Kali ŭ pačatku śniežnia palityk pryjechaŭ pa nakiravańnie ŭ sanatoryj, daktary jaho nie adpuścili i zrabili jašče adnu apieracyju.
Ciapier Kastusiovu davodzicca prymać šmat lekaŭ, ale jon adčuvaje siabie lepš, čym u vieraśni-kastryčniku minułaha hoda— tady było vielmi ciažka. U sanatoryj jon tak i nie trapiŭ — płanuje tudy pajechać u lutym.
Niahledziačy na prablemy sa zdaroŭjem, naprykancy minułaha leta Kastusioŭ šmat pracavaŭ na aharodzie ŭ vioscy. Ciapier jon praciahvaje ramont u svajoj škłoŭskaj kvatery, jaki raspačaŭ jašče da aryštu. Ź piensii šmat hrošaj nie vydatkuješ, tamu jon usio robić sam. Pytańni zdaroŭja pa-raniejšamu zabirajuć u byłoha palitviaźnia šmat času i siłaŭ.
Staršyniu BNF Ryhora Kastusiova zatrymali 12 krasavika 2021 hoda. Jamu prysudzili 10 hadoŭ źniavoleńnia pa abvinavačvańni ŭ «zmovie z metaj zachopu ŭłady niekanstytucyjnym šlacham» (art. 357 KK). Palityka vyzvalili 3 lipienia 2024 hoda pa pamiłavańni.
Padčas źniavoleńnia ŭ Ryhora Kastusiova znajšli ankałahičnuju chvarobu. Niahledziačy na drenny stan zdaroŭja, jaho źmiaścili ŭ pamiaškańnie kamiernaha typu, a paźniej pieraviali ŭ krytuju turmu. U krasaviku 2024 hoda, kali Kastusioŭ jašče byŭ za kratami, jamu zrabili apieracyju.
«Naša Niva» — bastyjon biełaruščyny
PADTRYMAĆCiapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie12
Kamientary
Voś takuju formu stacyjanarnaj dapamohi možna vybrać dla Biełarusi, jak spałučeńnie jakaści i dastupnaści.
Pry hetym ambułatornuju dapamohu zrabić całkam kamiercyjnaj i strachavoj. Strachoŭka budzie kaštavać niadoraha.
Naprykład, ambułatornuju dapamohu možna apłačvać niepasredna ź simvaličnych uznosaŭ hramadzian. Čamu simvaličnych? Tamu što na praciahu ŭsiaho žyćcia my 2-3 razy traplajem u balnicu. A płacić uznosy buduć usie. Naprykład, stacyjanarna nazirajucca 10% nasielnictva, a ŭznosy płaciać 100% ludziej. Takim čynam salidarnaść budzie pakryvać biahučyja vydatki.
Taksama chaču źviarnuć uvahu, što na Zachadzie piensii nievialikija. Naprykład, u Hiermanii jana składaje 1500 jeŭra pry siaredniaj zarpłacie ŭ 4500 jeŭra. Adličeńni va ŭsich sistemach zaležać ad uzroŭniu dachodu pracoŭnaha i nie ŭličvajuć prybytak kampanii. Treba zrabić tak, kab uznosy ŭ piensijny fond zaležali ad prybytku kampanii. A piensiju zrabić nazapašvalnaj, kab jana była roŭnaja miedyjanavaj zarpłacie pa krainie.