Jeŭrasajuz siońnia rychtujecca čarhovym razam uzhadnić padaŭžeńnie sankcyj suprać Rasii, a Vienhryja hatovaja padtrymać hetuju pastanovu, pišuć Bloomberg i Politico sa spasyłkaj na krynicy.
U hety dzień u Brusieli adbudziecca sustreča ministraŭ zamiežnych spraŭ krain ES. Vienhryja pojdzie na sastupki ŭ abmien na zajavu, u jakoj buduć zhadanyja jaje aściarohi nakont «enierhietyčnaj biaśpieki», paviedamlaje Politico.
U hety raz Vienhryja prapanavała skasavać sankcyi suprać Rasii, premjer Viktar Orban papiaredziŭ, što pahodzicca na padaŭžeńnie abmiežavańniaŭ kali Ukraina vykanaje niekalki ŭmoŭ: adnaŭleńnie tranzitu rasijskaha hazu, nie atakavać infrastrukturu «Tureckaha patoku» i nie pieraškadžać pastaŭkam rasiejskaj nafty ŭ Jeŭropu praz svaju terytoryju.
Palityk źviazvaŭ svaje dziejańni ź viartańniem Donalda Trampa na pasadu prezidenta ZŠA.
Pieršyja prykmiety admovy Budapiešta ad pazicyi vieta vyjavilisia jašče ŭ siaredzinie minułaha tydnia, paviedamlali Politico dypłamaty na ŭmovach ananimnaści.
«Ja dumaju, što Vienhryi lepš by pierapravieryć infarmacyju ŭ svajho amierykanskaha hieroja. Zdajecca, jon vielmi padtrymlivaje sankcyi suprać Rasiei», — padzialiŭsia adzin ź ich.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary